2025 jylǵa deıin stýdentterdiń stıpendıasy 2 esege, magıstranttar men doktoranttarǵa 1,5 esege artady.
Bul týraly Ǵylym jáne joǵary bilim mınıstri Saıasat Nurbek Úkimet otyrysynda aıtty, dep habarlaıdy Almaty-akshamy.kz Baq.kz-ke silteme jasap.
«Bilimdi ult» sapaly bilim berý» ulttyq jobasy bilim berý júıesiniń básekege qabilettiligi men halyqaralyq bedelin arttyrý maqsatynda júzege asyrylyp jatyr. Joǵary bilimge qatysty negizgi baǵyttary - Halyqaralyq akredıtteýden ótken jahandyq bilim berý baǵdarlamalaryn iske asyrýǵa qol jetkiziledi, sheteldik áriptestermen akademıalyq almasýlar keńeıtiledi. 2025 jylǵa qaraı sheteldik jetekshi bes JOO-nyń fılıaly jumys isteıdi», - dedi Saıasat Nurbek.
Mınıstrdiń aıtýynsha, 2021-2022 oqý jylyna kontıngenttiń jalpy sany 623 839 adamdy qurady.
«Barlyǵy – 120 JOO. 2021 jyly túlekterdiń jumysqa ornalasýy – 68,9%-dy quraıdy. Profesor-oqytýshylar quramynyń jalpy sany – 36 myń adam. Memleket basshysynyń tapsyrmasyna sáıkes granttar sany 2020 jyly 65 myńnan 2022 jyly 88 myńǵa deıin ulǵaıtyldy. Sondaı-aq stýdentterdiń stıpendıasy da artyp keledi. Bakalavrıat stýdentterine 36 myń teńge, doktoranttarǵa 150 myń teńge qarastyrylǵan. 2025 jylǵa deıin stýdentterdiń stıpendıasy 2 esege, magıstranttar men doktoranttarǵa – 1,5 esege artady», - dedi ol.