Óńirlik komýnıkasıalar qyzmeti alańynda ótken brıfıńte Almaty qalasynyń Sanıtarlyq-epıdemıologıalyq baqylaý departamenti basshysynyń orynbasary Ásel Qalyqova júrgizilip jatqan ımmýnoprofılaktıka jaıly aıtty, dep habarlaıdy Almaty-akshamy.kz.
Onyń aıtýynsha, jalpy qala boıynsha 2022 jyldyń 9 aıynda birqatar profılaktıkalyq egýlermen halyqty qamtýdyń qajetti deńgeıine jetken (kem degende 71,2% -74,9%).
Onyń ishinde 4 aılyq balalardy kókjótelge, dıfterıaǵa, sirespege, V vırýsty gepatıtine, gemofıldi ınfeksıaǵa jáne polıomıelıtke qarsy (AbKDS3) qamtý– 73,9%, 12-15 aılyq balalardy pnevmokoktyq ınfeksıaǵa qarsy egý Pnevmo3- 72,5%, 12-15 aılyq balalardy qyzylshaǵa, qyzamyqqa, parotıtine qarsy QQP1- 76,1%, 6 jastaǵy balalardy qyzylshaǵa, qyzamyqqa, parotıtine qarsy QQP2 qaıta egý – 71,7%, 6 jastaǵy balalardy kókjótelge, dıfterıa, sirespege qarsy (býstrıks AbKDS5) -71,1%, 18 aılyq balalardy kókjótelge, dıfterıaǵa, sirespege, polıomıelıtke, gemofıldi ınfeksıaǵa qarsy (AKDS4) qamtý – 70,4%, 16 jastaǵy jasóspirimderdiń dıfterıa men sirespege qarsy ADS-M vaksınasymen egý -69,7%, dıfterıa men sirespege qarsy eresekterdi ADS-M vaksınasymen egý - 90,5% qurady.
Perzenthanalarda jańa týǵan nárestelerdi «V vırýsty gepatıtine» qarsy ekpemen qamtý- 86,1% jáne týberkýlezge qarsy – 86,1% paıyzdy qurady. Ýaqytsha medısınalyq qarsy kórsetilimder men ata-analardyń vaksınasıadan bas tartýy jańa týǵan nárestelerdi vaksınasıamen jetkiliksiz qamtýdyń negizgi sebepteri bolyp qalyp otyr.
«Búginde Almatyda halyqty josparly profılaktıkalyq egýge qajet vaksınalardyń bári bar. Qalada KVI-ǵa qarsy vaksınasıalaý men revaksınasıalaý jalǵastyrylýda. 2021 jylǵy 1 aqpannan bastap 2022 jylǵy 10 qazanǵa deıin İ komponentpen 1 219 584 adam KVI-ǵa qarsy vaksınasıalanǵan, bul josparlanǵan halyqtyń 81,5%-yn qurap otyr (egilýge jatatyndar sany 1496730 adam), II komponentpen vaksınasıalaýdyń tolyq kýrsyn 1197291 adam qamtyldy (80,0%)», - dedi Ásel Qalyqova.
KVI-ge qarsy revaksınasıa. 2021 jylǵy 22 qarashadan bastap halyqtyń KVI-ge qarsy revaksınasıasy jalǵasýda. 2022 jyldyń 10 qazandaǵy jaǵdaı boıynsha 2021 jyldyń 1-shi aqpanymen 2022 jylǵy 30-shy sáýir aralyǵynda vaksınasıanyń tolyq kýrsyn alǵan 898711 adamnyń 616143-i, ıaǵnı 68,5% revaksınasıamen qamtyldy. KVI-ge qarsy qaıta revaksınasıamen 77235 (55,8%) adam qamtylǵan.
Qaladaǵy ımýndyq qabat jalpy halyq (2048436) sanynyń 42,2%-yn (863988) qurady, onyń ishinde sońǵy 6 aıda egilgenderdiń (828141) esebinen 40,4%-yn jáne (35866) KVI-men aýyrǵan naýqastardyń esebinen 1,7%-dy qurady.