Ulttyq gaz qorynyń 5%-na deıingi kólemde tabıǵı gazben bólisedi.
Reseılik gazǵa sanksıa salynǵaly beri týyndaǵan tapshylyqty eńserý úshin eýropalyq elder bir-birimen otynmen bólise bastady, dep habarlaıdy Almaty-akshamy.kz Inbusiness.kz silteme jasap.
GRTgaz Fransıanyń gazben jabdyqtaý operatory tıisti ınfraqurylymdy daıyndaýdyń aıaqtalǵanyn jáne Fransıadan GFR-ǵa qubyr arqyly alǵashqy gaz kólemi jetkizilgeni týraly habarlady.
"Reseıdiń Eýropaǵa gaz jetkiziliminiń kúrt tómendeýine baılanysty Energetıkalyq qaýipsizdik máseleleri boıynsha eýropalyq yntymaqtastyq aıasynda Grtgaz óz jelisin jańa jaǵdaıǵa beıimdep, Germanıaǵa gaz satý usynysyn resimdeýge jumyldyryldy. 2022 jyldyń 13 qazanynan bastap GRTgaz Germanıaǵa gazdy Obergaılbah (Mozel departamenti) baılanystyrýshy núktesi arqyly tasymaldaýǵa múmkindik beredi", - deıdi habarlamada.
Daıyndyqtan keıin "alǵashqy gaz aǵyndary táýligine 31 gıgavatt-saǵat kóleminde berildi" dep habarlandy. Qazir ony táýligine 100 gıgavatt-saǵat maksımýmǵa deıin arttyrý múmkindikteri qarastyrylýda. Les Echos gazeti túsindirgendeı, bul kólem Fransıaǵa tórt termınal arqyly jetkiziletin suıytylǵan tabıǵı gazdyń shamamen 10% quraıdy.
Fransıa men Germanıa jasaǵan kelisim boıynsha, Parıj Berlınge ulttyq gaz qorynyń 5%-na deıingi kólemde tabıǵı gazben bólisedi, bul 2022-2023 jyldardaǵy qysta GFR qajettiliginiń 2%-yn jabady. Onyń ornyna Germanıa qajet bolǵan jaǵdaıda Fransıada elektr qýatynyń jetispeýshiligin óteı alady, - dep túsindiredi basylym.