Almaty-akshamy.kz saıtynda búgin jaryq kórgen jańalyqtarǵa sholý – kún kerýeni
Almatydan uıqy qashqan tún
Keshegi jer silkinisinen keıin halyqty qabyldaý pýnktterinde túnde 102 adam qonǵan. Onyń ishinde 43 bala bar. Almatynyń áleýmettik nysandary men kóppáterli turǵyn úıleriniń qıraǵany týraly 156 ótinish túsken. Búgin áýejaı, temirjol vokzaldary men metro shtattyq rejımde jumys istep tur.
Energetıkalyq sýsyndar satylymyn retteý mańyzdy
Jurt gazdalǵan sýsyndardyń adam aǵzasyna keri áserin aıtyp jetkize almaı júrgende, tipti koka-kola, fanta, spraıtty bylaı qoıyp, qazir zıandylyǵy jaǵynan olardy on oraıtyn energetıkalyq sýsyndar shyqty. Ony jıi ishetin adamdarda asqazan-ishek aýrýlary, asqazan jarasy, júrek-qan tamyrlary aýrýlary paıda bolatyny jıi aıtylyp júr. Al mektep jasyndaǵy balalar, onyń ishinde 11-15 jas aralyǵyndaǵy jasóspirimderdiń 40%-dan astamy bul sýsyndardy kúndelikti tutynatyny anyqtalǵan. Sebebi jarnamasy kúshti. Sondaı-aq jer-jerdegi dúkenderde, dúńgirshekterde erkin satylady. Negizi, dárigerler 15 jasqa tolmaǵan balalarǵa jáne sozylmaly aýrýlary bar adamdarǵa energetıkterdi ishpeýge keńes beredi.
Aptaptyń kesirinen shala týý kóbeıedi
Mundaı qaýip kók jelegi joq aımaqta nemese kúndizgi aptap ystyqtyń taby túnde de qaıtpaıtyn óńirde kúsheıedi. Aptap ystyq pen qurǵaqshylyq halyqtyń ósý qarqynyn tejeıtini de aıtyldy. Mundaı qaterden aıaǵy aýyr áıelder ózin salqyn jerde kútip ustaýy arqyly qorǵaı alady. Dáliregi, kútingen júkti áıelge aptap ystyqtan tónetin qater deńgeıin 10-12 paıyzǵa deıin tómendetýge bolady.
Tuńǵysh komentatorlardyń biri edi
Qazaq sport jýrnalısi, komentator Rabat Jánibekov 82 jasynda dúnıeden ozdy.
Rabat Jánibekov – qazaqtyń tuńǵysh sport komentatorlarynyń biri. 1942 jyly 27 maýsymda Túrkistan oblysy, Qazyǵurt aýdany, Rabat aýylynda dúnıege kelgen.
Leniń lısenzıasy
Ulttyq qurama sapynan Parıj Olımpıadasyna lısenzıa jeńip alǵan sportshynyń biri – oq atý sportynyń ókili Aleksandra Le. Otandasymyz Djakartada (Indonezıa) ótken oq atýdan lısenzıalyq Azıa chempıonatynda Olımpıada joldamasyn jeńip aldy.
«Bul – men úshin kútpegen jańalyq boldy. Olımpıadaǵa joldama jeńip alǵanymdy eń birinshi bapkerimnen bildim. Ol fınaldan keıin men lısenzıa jeńip alǵanymdy aıtpaǵanda, bilmes edim. Qýanyshty jańalyqty estigende qatty tań qaldym», - dep Aleksandra sol kezdegi emosıasymen bólisti.