Úlken Almaty aınalma avtojolynyń uzyndyǵy 66 shaqyrym bolady.
Kompanıanyń málimetinshe, bekitilgen kestege sáıkes, ÚAAAJ qurylysy 2024 jyldyń aıaǵynda aıaqtalady dep josparlanǵan, dep habarlaıdy Almaty-akshamy.kz.
Túrik-koreı konsorsıýmy – «ÚAAAJ Investısıalar jáne operasıalar» JSHS Almaty tasjolynyń qurylysy aıaqtalyp, Úlken Almaty aınalma avtojoly (ÚAAAJ) boıynsha avtomobıl qozǵalysy qashan ashylatynyn habarlady.
«Qurylys jumystaryn merziminen buryn aıaqtaý josparda bar, biraq bul másele jol jamylǵysynyń qurylysynda mańyzdy ról atqaratyn aýa raıy jaǵdaıyna baılanysty. Búginde jumys 75 paıyzǵa aıaqtalǵan. ÚAAAJ qurylysy jumystary aıaqtalǵannan keıin qozǵalys ashylady», - dedi «ÚAAAJ Investısıalar jáne operasıalar» ókilderi.
ÚAAAJ jobasy aıasynda Almaty-Bishkek, Almaty-SHamalǵan, Komsomol-Japek batyr, Almaty-Qonaev, Almaty-Esik, Almaty-Talǵar avtomobıl joldarymen qıylystarda eki deńgeıdegi 6 jolaıryq jáne ÚAAAJ-dyń Almaty-Qaskeleń avtojolymen (Jandosov kóshesi) túıisken jerinde bir aınalma jol salynyp jatyr.
«Kórsetilgen jolaıryqtardyń ishinde Almaty-Qaskeleń aınalma jolynda, sondaı-aq eki deńgeıli úsh jolaıryqta: Almaty-Qonaev, Almaty-Esik, Almaty-Talǵar jolaıryǵynda asfáltbeton jabynyn tóseý jumystary aıaqtaldy. Sondaı-aq, eki deńgeıli úsh jolaıryqta: Almaty-Qonaev, Almaty-Esik, Almaty-Talǵar. Qalǵan úsh - Almaty-Bishkek, Almaty-SHamalǵan, Komsomol-Jápek batyr jolaıryǵynda jol ótkelderin salý jumystary tolyǵymen aıaqtaldy, endi jol ótpelerin uıymdastyrý jumystary júrgizilip jatyr», - dep qosty bas merdiger.