Biraq óndiris azaıǵan.
Bıyl Qazaqstanda sary maı óndirisiniń kólemi byltyrǵymen salystyrǵanda 12,6%-ke tómendep, baǵasy 15% qymbattaǵan, dep habarlaıdy Almaty-akshamy.kz Energyprom.kz-ke silteme jasap.
Óńirler boıynsha sary maı baǵasy Mańǵystaý oblysynda kúrt qymbattap, jyl basynan beri 29%-ke ósken.
Jalpy, el boıynsha qańtar-shilde aralyǵynda 13,9 myń tonna sary maı óndirildi. Bul byltyrǵy kezeńmen salystyrǵanda 12, 6 paıyzǵa kem. Qańtar-mamyr aralyǵynda otandyq óndirýshiler sary maıǵa degen suranystyń 71 paıyzyn qamtamasyz etti. Ótken jyly bul kórsetkish 83,6% boldy. Nátıjesinde ımport birden 83,5%-ǵa artty.
Shilde aıynyń qorytyndysy boıynsha, tuzdalmaǵan sary maıdyń baǵasy bir aıda 1,2 prosentke, bir jylda 17 paıyzǵa ósken. Jyl basynan bergi ósim 14,7%-dy qurady.
Tuzdalmaǵan sary maıdyń bir kelisiniń eldegi ortasha baǵasy 3,3 myń teńge shamasynda. İri qalalar ishinde Pavlodarda bir keli maı baǵasy 2,7 myń teńge, al Atyraýda 4,3 myń teńgege jetti.
Jyl basynan beri baǵanyń sharyqtaýy Mańystaý oblysynda tirkeldi, baǵa birden 29%-ǵa artty. Ekinshi orynda Shymkent qalasy (26,7%) men Jambyl oblysy (26,4%) tur. Al Nur-Sultan (3%) qalasy men Almaty (5,6%) jáne Pavlodar (7,2%) oblystarynda baǵa birtindep kóterilip jatyr.