2024 jyldyń toǵyz aıynda Medısınalyq saqtandyrý qory almatylyqtardyń emdelýine tegin medısınalyq kómek paketi men MÁMS aıasynda 220 mlrd teńgeden astam qarajat jumsady. Bul jyldyq búdjettiń 66%-yn quraıdy, dep atap ótti Almaty fılıalynyń dırektory İlıas Muhamedjan Óńirlik komýnıkasıalar qyzmetinde ótken brıfıńte, dep habarlaıdy aqshamnews.kz.
Onyń aıtýynsha, medısınalyq uıymdarǵa tólemder qazir qordyń e-saqtandyru aqparattyq júıesi arqyly júrgizilýde.
Bıyl 9 aıda saqtandyrylǵan almatylyqtar MÁMS júıesi arqyly jalpy quny 97 mlrd teńge bolatyn medısınalyq kómek túrlerin paıdalanǵan.
Shyǵynnyń basym bóligi, ıaǵnı 54 mlrd teńgesi stasıonarlyq medısınalyq kómekke, 3,9 mlrd teńge – kúndizgi stasıonarlar kórsetken qyzmetterge tólendi.
«Medısınalyq kómekke júgingen azamattar tarapynan emdeý men dıagnostıkanyń baǵasy qymbat túrleri, salalyq mamandardyń konsýltasıalary, sondaı-aq zerthana taldaýlaryna degen suranys joǵary bolǵan. Jarty jylda atalǵan qyzmetterge 18,1 mlrd teńge jumsaldy», - dedi fılıal basshysy.
Fılıal basshysynyń sózine qaraǵanda, sonyń ishinde kompúterlik tomografıa men magnıtti-rezonanstyq tomografıaǵa (KT/MRT) degen suranys burynǵysha joǵary kúıinde qalyp otyr. Jalpy Almatyda jasalǵan 80 myń KT men MRT úshin 1,3 mlrd teńge jumsaldy.
«Mindetti áleýmettik medısınalyq saqtandyrý esebinen kún saıyn quny birneshe mıllıonǵa jetip jyǵylatyn joǵary tehnologıaly operasıalar jasalyp jatyr. Bıylǵy jyly Almaty qalasynda osyndaı otalarǵa 14,7 mlrd.teńge jumsalypty»,- deıdi fılıal basshysy.
Reabılıtasıa jeke baǵytty qamtıdy. Oǵan 6,3 mlrd teńge bólingen.