Klasıkalyq mýzyka jaýharlaryn kópke tanystyrdy.
Qazaq mádenıetiniń qara ordasy – Qazaqkonsert ujymy Almatyǵa is-saparmen keldi. 1 aılyq repertýarynda ár janrdy qamtyǵan konserttik birlestik kúni keshe klasıkalyq mýzyka jaýharlaryn kópke tanystyrdy, dep habarlaıdy Almaty-akshamy.kz Almaty.tv silteme jasap.
«Almatydaǵy altyn kúz «Qazaqkonsertpen» birge». 1 aıǵa jalǵasatyn mádenı is-sharalardyń jalpy ataýy osy. Festıvál shymyldyǵy 25-qazanda dástúrli mýzyka konsertimen ashylǵan edi.
«Biz gastrólge alǵash shyqtyq. Almaty – mádenıet ortalyǵy. Sodan bolar, ózimizge erekshe. Tolqyp turǵanymyz sezilip turǵan bolar», – dedi kompozıtor, QR Eńbek sińirgen qaıratkeri Serik Erkinbekov.
«Áserdi halyqqa jetkize bildim dep oılaımyn. Úlken jobalarǵa, keremet konsertterge qatysýǵa múmkindik berip jatqan, jastarǵa jol ashyp jatqan Qazaqkonsert memlekettik uıymyna alǵysymyz sheksiz», – dedi R. Baǵlanova atyndaǵy «Qazaqkonsert» memlekettik konserttik uıymynyń solısi Áıgerim Altynbek.
Keshte klasıka janrynyń álemdik jaýharlarynan bólek, otandyq kompozıtorlardyń tyrnaqaldy týyndylary oryndaldy. Konsertte óner kórsetkenderdiń qatarynda jas ári talantty solıserden bólek, eldegi eń tanymal kameralyq-aspaptyq ansambli de bar.
«Almaty «Qazaqkonserttiń» ártisterin saǵynyp qalypty. Sony endi mýzykany, rýhanı baılyqty elge, halyqqa jetkizý - eń basty maqsat, sol mýzykany dáripteý», – dedi R. Baǵlanova atyndaǵy «Qazaqkonsert» memlekettik konserttik uıymynyń bólim basshysy Azamat Jyltyrkózov.
Aıta keteıik, Almatyda tuńǵysh ret uıymdastyrylǵan festıvál 29 qazanǵa deıin jalǵasady.