Polısıa qyzmetkerleri úı aýlasynda jasyrylǵan plantasıadan 16 marıhýana túbin anyqtady, dep habarlaıdy Almaty-akshamy.kz Polisia.kz-ke silteme jasap.
«Jedel izdestirý is-sharalary barysynda Almaty qalasy Jetisý aýdanyndaǵy Shors kóshesi boıyndaǵy úılerdiń birinde 16 túp qarasora tárkilendi. Úı ıesi – B.esimdi azamat ustaldy. Saraptama qorytyndysyna sáıkes tárkilengen túpter marıhýana esirtkisi bolyp shyqty. Tárkilengen esirtkiniń jalpy salmaǵy 3 keli 910 gramdy qurady. Quramynda ósirýge tyıym salynǵan esirtki zattary bar ósimdikterdi zańsyz ósirý deregi boıynsha sotqa deıingi tergeý amaldary bastaldy. Bul áreketterdiń shynaıy sebebi mindetti túrde anyqtalatyn bolady», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.