Energetıka mınıstri Almasadam Sátqalıev Almatyǵa jumys saparymen keldi, dep habarlady vedomstvonyń baspasóz qyzmeti.
Mınıstr «Almaty elektr stansıalary» AQ JEO-2 jáne «Almatyjylýjaıenergo» JSHS «Orbıta» qazandyǵynyń qalaı jumys istep jatqanyn bildi. Sondaı-aq №2 JEO-da keńes ótkizdi. Oǵan Almaty qalasy ákimdigi men «Samuryq-Energo» AQ ókilderi qatysty. Jıynda jylytý maýsymy sóz boldy.
JEO-2 ókilderi EPC gazǵa aýystyrý boıynsha merdiger anyqtalǵanyn, jumystar bastalǵanyn aıtty. Jumys 2024 jyly bastalyp, 2026 jyldyń sońyna deıin aıaqtalady. Osylaısha, qaladaǵy №2 jylý elektr ortalyǵy gazǵa kóshedi, - dep jazylǵan habarlamada.
Sonymen qatar №2 JEO-da №3 qazandyq pen №1, 2 týrbınalarǵa kúrdeli jóndeý jumysy aıaqtalǵany belgili boldy. Al №5 qazandyqty kúrdeli jóndeý jumysy aıaqtalýǵa jaqyn.
Bıyl qarashanyń sońynda «Almaty elektr stansıalary» AQ boıynsha jóndeý aıaqtalady. Kúzgi-qysqy ýaqyttaǵy jaǵdaıǵa daıyndyq pasporty alyndy, - dep jazylǵan habarlamada.