Jyl basynan beri ósim 14%-ke jetti.
Ónim baǵasy ásirese el shyǵysynda sharyqtap tur. Abaı oblysynda 6, Shyǵys Qazaqstanda 8%-ke qymbattady, dep habarlaıdy Almaty-akshamy.kz 24.kz-ke silteme jasap.
Óskemende jumyrtqanyń 10 danasy 750 teńgege deıin jetti. Jalpy aımaqta ónim óndirilmeıdi. Sol sebepti shekaralas oblystardan jáne Reseıden tasymaldanady.
«Bólshek saýdada baǵasy 600-630 teńgeni quraıy. Búgingi kúni operatorlardyń aıtýy boıynsha, baǵanyń qymbattaýy maýsymdyq sıpatqa jáne qus fabrıkalarynda baǵanyń qymbattaýynan jáne oblysta óz ónimimizdiń joqtyǵynan», - deıdi aýyl sharýashylyǵy basqarmasy basshysynyń orynbasary Dılára Jylqybaeva.
Jumyrtqa baǵytynda jumys istep turǵan kásiporyndary bar oblystardyń ózinde jaǵdaı máz emes. Mysaly, Aqmola oblysynda ótken jylmen salystyrǵanda jumyrtqa 3%-ke deıin kem óndirilgen. Qostanaıda tipti 11%-ke azaıǵan. Batys Qazaqstan men Jambyl da kórsetkish shamamen osyndaı. Tek Qaraǵandyda ǵana ilgerileý bar. Óndiris ótken jylǵydan 9%-ke artqan.