Almaty qalasynyń Ortalyq mádenıet jáne demalys saıabaǵynda 1979 jyly salynǵan ári jańarǵan velotrek ashyldy. İs-sharaǵa qala ákimi Erbolat Dosaev, qazaqstandyq velosıped sporty federasıasynyń prezıdenti, bıznesmen Nurlan Smaǵulov, sport qoǵamdastyǵynyń ókilderi jáne basqalar qatysty, dep habarlaıdy Almaty-akshamy.kz.
Sport keshenin modernızasıalaý velotrekti qazaqstandyq velosıped sporty federasıasynyń senimdi basqarýyna bergennen keıin demeýshilik qarjy esebinen júrgizildi. Almaty ákimi Erbolat Dosaev velotrek belsendi ómirdi qalaıtyndar úshin tartylys ortalyǵyna aınalatynyn jáne dál osy jerde qalanyń jas sportshylary óz talanttaryn asha alatynyn atap ótti.
Velotrekte velosporttyń 4 túrin damytýǵa jaǵdaılar jasalǵan, olar – maýntınbaık, VMH (trúk túri), tas jol jáne trekter, sonymen qatar qaladaǵy eń úlken skeıtpark. Velotrekti bir mezgilde 100-ge jýyq velosıpedshi paıdalanady. Keshen aýmaǵynda endi trıatletter, júgirýshiler, paýerlıfterler, skeıterler jáne t. b. jattyǵa alady.