Memleket basshysy Prezıdent İs Basqarmasy Medısınalyq ortalyǵy aýrýhanasynyń jumysymen tanysty.
Qasym-Jomart Toqaev munda qyrkúıek aıynda ashylatyn Iadrolyq medısına ortalyǵy men jańa emdik-dıagnostıkalyq blokty aralap shyqty, dep habarlaıdy Almaty-akshamy.kz.
Inovasıalyq nysannyń ereksheligi – qazirgi kezde álemdik medısına ındýstrıasynda qoljetimdi pozıtrondy emısıalyq kompúter tomografıasy. Skanerleý jyldamdyǵy joǵary bul apparat dıagnoz qoıý sapasyn arttyrady. Qazirgi ýaqytta bul qural-jabdyqtyń Ortalyq Azıa men TMD elderinde balamasy joq ekenin aıta ketken jón. Prezıdent dárigerlermen jáne ǵalymdarmen pikirlesip, Iadrolyq medısına ortalyǵynyń qyzmeti azamattardyń densaýlyǵyn jaqsartýǵa jáne qazaqstandyqtar úshin zamanaýı medısınalyq tehnologıalardyń qoljetimdiligin arttyrýǵa qyzmet etetinine senetinin jetkizdi.