Almatyda qalta urlyǵymen aınalysqan «qylmystyq úshtik» qolǵa tústi.
Urlanǵan telefondy satpaq bolǵan úsh qalta urysy ustaldy, dep habarlaıdy Almaty-akshamy.kz Polisia.kz-ke silteme jasap.
«Tutqyndaýdy Medeý aýdandyq polısıa ,asqarmasyndaǵy áriptesteriniń kómegimen KPB arnaıy tobynyń qyzmetkerleri júrgizdi. Úsh er adam oıyn-saýyq mekemelerinde qalta urlyǵyn jasady degen kúdikke ilindi. Máselen, ótken kúni dámhanalardyń birinde kelýshiniń IPhone telefony urlanǵan. Aıyptalýshylar mobıldi qurylǵyny satý kezinde ustaldy. Bótenniń múlkin urlaý deregi boıynsha qylmystyq is tirkeldi. Tergeýdiń osy kezeńinde osyǵan uqsas eki epızod anyqtaldy. Kúdiktilerge kelsek, olar – Almaty oblysynyń 35, 31 jáne 29 jastaǵy turǵyndary. Olardyń ekeýi buryn múliktik qylmys, sonyń ishinde tonaý jasaǵany úshin birneshe ret sottalǵan», – deıdi, Almaty qalalyq PD krımınaldyq polısıa basqarmasynyń bastyǵy Qýatbek Naýatov.