Túrkıadaǵy jalpy saılaý alty aıdan bir jylǵa deıin shegerilýi múmkin, dep habarlaıdy Almaty-akshamy.kz.
Habertürk basylymynyń jazýynsha, eldiń basqarýshy partıasy aýqymdy jer silkinisi jaǵdaıynda bul máselege baıyppen qaraıdy.
«Saılaý týraly sheshim qabyldanady. Sodan keıin Joǵarǵy saılaý komısıasy jer silkinisiniń saldaryna baılanysty saılaý ótkizý is júzinde múmkin bolmaı turǵanyn aıtyp, saılaýdy keıinge qaldyrýdy suraıdy», - delingen jazbada.
Sondaı-aq basylym saılaýdy keıinge qaldyrý kún tártibinde turǵanyn, óıtkeni jer silkinisine qatysty qazirgi jaǵdaı osyǵan deıingi saılaýdy nátıjesiz etkenin atap ótken.
Maqala avtory Fatıha Altaılynyń jazýynsha, saılaýdy keıinge qaldyrý úshin bılik Konstıtýsıalyq sottyń osyǵan uqsas jaǵdaıǵa qatysty eski sheshimderiniń birin paıdalanady.