Qazaqstan Respýblıkasy Memlekettik ortalyq mýzeıi 2022 jyldyń 10 qarashasynda saǵat 10.00-de «Balalar jylyna» oraı mektep-ınternattary arasynda «Mýzeı kýbogy» ulttyq oıyndary boıynsha qalalyq sporttyq týrnır ótkizedi.
Sportty damytý jáne bilim berý mekemelerinde ulttyq oıyndardy dáripteý memlekettiń mańyzdy basym mindetteriniń biri bolyp tabylady. Ulttyq oıyndar Qazaqstannyń mektep baǵdarlamasyna engizilýde, onda dene shynyqtyrý sabaqtarynda oqýshylar «qazaq kúresi», «toǵyzqumalaq», «asyq atý» pánderin oqıdy.
«Mýzeı kýbogy» sporttyq týrnıri Almaty qalasy Bilim basqarmasy Qalalyq dene shynyqtyrý jáne sport ortalyǵymen birlesip ótkiziledi.
İs-shara baǵdarlamasynda:
- mektep-ınternattarynyń basshylarynyń alǵy sózi;
- mýzeı zaldary boıynsha ekskýrsıalar;
- mýzeı kınozalynda «Kóshpeliler» men «Biz osynda turamyz» fılmmderiniń kórsetilýi;
- «asyq atý», «bes asyq», «toǵyzqumalaq», «arqan tartý» sıaqty ulttyq oıyndar túrleri boıynsha jarystar.
Jarys qorytyndysy boıynsha týrnır qatysýshylaryn marapattaý, medaldar men dıplomdar tabys etiledi.