Almaty qalasyndaǵy úlken toıhananyń biri mamandandyrylǵan halyqqa qyzmet kórsetý ortalyǵyna aınaldy, dep habarlaıdy Almaty-akshamy.kz QazAqparatqa silteme jasap.
Onyń vıdeosy áleýmettik jelide paıda boldy.
«Qulja tas jolyndaǵy meıramhanalardyń biri halyqqa qyzmet kórsetý ortalyǵyna aınaldy. Toıhana endi ózekti emes sıaqty», - deıdi vıdeo avtory.
«Azamattarǵa arnalǵan úkimet» buǵan deıin mamandandyrylǵan №5 HQO Jetisý bazarynyń ǵımaratynda jumys istegenin jetkizdi.
Ǵımarat eski jáne talapqa saı bolmaǵandyqtan, tutynýshylardan shaǵym kóp túsken.
Sondyqtan Qulja tas jolynyń boıynda ornalasqan yńǵaıly ǵımaratqa kóshirý týraly sheshim qabyldandy.
«Jańa ǵımarattyń 200 kólikke arnalǵan turaǵy bar. Barlyq sanıtarlyq talaptar men normalarǵa saı. Múmkindigi shekteýli adamdarǵa arnalǵan pandýs bar. Aıta ketý kerek, ǵımarat tegin jalǵa beriledi, fılıal tek komýnaldyq shyǵyndardy óteıdi», - dep habarlady memlekettik korporasıanyń baspasóz qyzmeti.