Bastaýysh synyp oqýshylaryna arnalǵan shara M.Mámetova atyndaǵy №28 mektep-lıseıindegi óndiristik tájirıbe aıasynda uıymdastyryldy, dep habarlaıdy Almaty-akshamy.kz.
Almatyda M.Mámetova atyndaǵy №28 mektep-lıseıinde Abaı ýnıversıtetiniń stýdentteriniń uıymdastyrýymen bastaýysh synyp oqýshylaryna arnalǵan STEM festıvali ótti.
İs-sharanyń maqsaty – oqýshylar men stýdentterdiń STEM-bilim berýge degen qyzyǵýshylyǵyn arttyrý, balalardyń qyzyǵýshylyǵyn qoldaý jáne damytý, ǵylym, tehnologıa, ınjenerıa, matematıka jáne kúndelikti ómir arasyndaǵy baılanysty kórsetý. Festıvál baǵdarlamasy joǵary synyp oqýshylarynyń jetekshiligimen balalardyń STEM (ǵylym, tehnologıa, ınjenerlik, matematıka) stansıalary arqyly qyzyqty saıahatyn qamtydy.Olardyń kómegimen bastaýysh mektep oqýshylary logıkalyq esepterdi sheship, ǵylymı tájirıbeler men fokýstar jasap, qurastyrdy.
STEM-festıval qorytyndysy boıynsha ár oqýshy qatysýshy dıplomyn, 10 synyp oqýshylary moderator dıplomyn, muǵalim men ata-analar uıymǵa kórsetken kómegi úshin alǵys hatpen marapattaldy. Festıvál jas oqýshylar úshin mazmundy jáne jarqyn, qyzyqty oqıǵalarǵa toly boldy.
