Megapolıs ákimi Baqytjan Saǵyntaev «Almaty» TA-daǵy Akimat Live baǵdarlamasynyń tikeleı efırinde taý shańǵysy mektebiniń jumysy jáne «Shymbulaqta» shańǵy tebýdiń bastalýy týraly aıtty dep habarlaıdy almaty-akshamy.kz
Almatyda taý shańǵysy maýsymyn dástúrli túrde «Shymbulaq» kýrorty ashady. 14 qarashadan bastap qarly betkeılerde shańǵy tebýge bolady. Jóndelgen taý shańǵysy mektebi men Shymbulak Resort Hotel qonaq úıiniń ashylýy birneshe kún buryn 9 jáne 10 qarashada ótedi.
«Shymbulaq» taý shańǵysy kýrortynyń qysqy maýsymynyń ashylýyna daıyndyǵy júz paıyz, dep habarlady ákimshilik. Shańǵyshylar men snoýbordshylar úshin joldar kúndiz de, túnde de qaıtadan qoljetimdi bolady.
20 qarashaǵa qaraı Talǵar asýynan túngi syrǵanaý ótkiziletin «Talǵar» trassasyna qosymsha jaryqtandyrý jumystaryn júrgizý josparlanýda. Onyń uzyndyǵy 3 640 metrdi quraıdy, al jaryqtandyrý alańy eki ese artady.
Habarlanǵandaı, otandyq «Shymbulaq» taý shańǵysy kýrorty TMD jáne Ortalyq Azıadaǵy eń uzyn jaryqtandyrylǵan trassanyń ıesi bolyp tabylady. Al Almaty taý shańǵysy ınfraqurylymynyń apgreıderlerin barlyq nıet bildirýshiler kóre alady, óıtkeni munda jańadan kelgender úshin de, tájirıbeli shańǵyshylar úshin de barlyq jaǵdaı jasalǵan. Jabdyqtardy jalǵa berý pýnkti, nusqaýshylar jumys isteıdi, sonymen qatar týrıserge túrli qysqy oıyn-saýyq usynylady.
Budan basqa, «Shymbulaq» TK -da biryńǵaı maýsymdyq skı-passalar basqasha aıtqanda, kýrort qyzmetterin paıdalanýǵa bolatyn abonement usynylady.
Skı-passalardy (biryńǵaı abonementterdi) satý 28 tamyzdan bastap iske qosyldy, olardy satyp alý qysqy maýsym boıy «Shymbulaq» TK jáne «Oi-Qaragai» TK esh kedergisiz barýǵa múmkindik beredi.
Mundaı ónimdi jasaý – birinshi kezeń. Búdjetti bólýdiń ádil júıesi bolashaqta jobaǵa Almaty men Almaty oblysynyń basqa da kýrorttaryna qosylýǵa múmkindik beredi.
Skı-passtar ıeleri 38 taý trassasynyń 45 shaqyrymynda syrǵanaı alady, lımıtsiz 19 kótergishti paıdalanady, meıramhanalar men meımanhanalarda bonýstar ala alady. Abonementte qosymsha eki kýrortta da tegin turaq bar.
Shymbulaqta qysqy maýsymnyń bastalýyna oraı Taý shańǵysy mektebi kúrdeli jóndeýden ótti. 9 qarashada barlyq tilek bildirýshiler 3 jastan asqan balalar men eresekterge arnalǵan oqýǵa jazyla alady. Jattyǵýdy snoýbord pen taý shańǵysy boıynsha tájirıbeli sýpervaızerler júrgizedi.
«Shymbulaq» TK habarlaǵandaı, mektepti rekonstrýksıalaǵan soń bir tereze qaǵıdaty tujyrymdamasy engizildi, sondaı-aq kelýshilerdi kóbirek qamtı alatyn nusqaýshylardyń sany artty.
Taý shańǵysy mektebinde qosymsha jabdyqtardy jalǵa alý, dúken ashylady, qosymsha lokerler, balalar klýby, sporttyq shańǵy klýby paıda bolady. Sonymen qatar, aýmaqta tanymal taǵamdar oryndar men kofehanalar jelisi ashylady.
Sondaı-aq, Almaty turǵyndary men qonaqtaryn rekonstrýksıalanǵan Shymbulak Resort Hotel ekinshi qabatynyń 10 qarashada bolatyn ashylýyna shaqyrady. Al, taý peızajdary men belsendi demalysty unatatyndar qylqan japyraqty aǵashtar arasynda ornatylǵan «Medeý» stansıasynyń arqan parkin paıdalana alady nemese eń az daıyndyqpen týrıser úshin eseptelgen uzyndyǵy 4 300 metr «Densaýlyq jolymen» júre alady.