Akimat Live baǵdarlamasynyń tikeleı efıri kezinde megapolıs ákimi Baqytjan Saǵyntaev habarlaǵandaı, tegin sabaqtarmen 40 myńǵa jýyq balany qamtý josparlanýda dep habarlaıdy almaty-akshamy.kz
Almaty ákimdigi bıyldan bastap balalardyń sport seksıalaryndaǵy sabaqtaryna aqy tóleıtin bolady. Bul maqsatqa 1,5 mıllıard teńge bólindi, barlyǵy 40 myńǵa jýyq balany qamtý josparlanýda.Onyń ústine, balanyń qalaýy boıynsha sport túrin tańdaýǵa bolady.
Bul memlekettik sporttyq tapsyrys boıynsha jan basyna normatıvtik qarjylandyrýdy engizý arqasynda múmkin boldy.
Tegin seksıalarǵa 4 jastan 18 jasqa deıingi balalar qatysa alady jáne 71 sport túriniń birin tańdaýǵa bolady. Úıden shyqpaı-aq, platforma arqyly eń qolaıly seksıany artsport.edu.kz. platformasy arqyly tańdaýǵa bolady. Muny ata-analardyń ózderi saıtqa tirkelý arqyly jasaı alady.
Qazirgi kezde 24 myń ótinish berýshige tegin sabaqtarǵa vaýcherler berildi, 26 sport túri boıynsha 18 630 bala sabaqty bstady. Eń kóp suranysqa ıe fýtbol, taekvondo, karate, júzý jáne dzúdo seksıalary.
Aıta keterligi, búginde seksıalardaǵy sabaqtar úshin memleket tarapynan jalpy somasy 141 mln teńge tólendi. Óńirler arasynda Almaty bólingen qarjy boıynsha birinshi oryndy ıelengen jáne naqtyly aınalysatyndar jóninde de birinshi orynda.
Aıta keterligi, Almaty ákimi Baqytjan Saǵyntaevtyń tapsyrmasy boıynsha qalada sportpen aınalysý úshin ınfraqurylym belsendi damýda.
Qalada 3 400-ge jýyq sport nysandary, onyń ishinde 12 stadıon, sport saraıy, 14 sport kesheni jáne 12 sport ǵımaraty jumys isteıdi. Sondaı-aq, megapolıste qurama komandalardyń 5 oqý-jattyǵý ortalyǵy, 3 shańǵy bazasy, 12 atý tıri, atys alańy, velotrek, sekirýge arnalǵan tramplın, 6 hokeı korty, kónkımen júgirý stadıony, 2 671 tegis ǵımarat, 102 tenıs korty, ıpodrom, 10 sport maneji, 51 baseın, 483 sport zaly, 12 kiriktirilgen sport zaly bar.
Almatydaǵy jabyq sport nysandarynyń alańy 81 503 sharshy metrdi quraıdy. Olardy ulǵaıtý úshin aǵymdaǵy jyly jergilikti búdjet esebinen qalanyń shetinde jalpy aýdany 38 myń sharshy metr 6 deneshynyqtyrý-saýyqtyrý kesheni men tenıs ortalyǵy salynýda. Onyń jalpy ótkizý qabileti táýligine 5 250 adamdy quraıdy, sport seksıalarynyń sany – 150.
Qazirgi kezde búdjetten tys qarjy esebinen bes jańa sport nysanynyń qurylysy júrip jatyr, onyń ishinde DSK, ústel tenısi ortalyǵy, kúres kesheni. Budan basqa, tenıs ortalyǵynyń qurylysy aıaqtaldy. Sporttyń 15 túri boıynsha 70-ten astam sport seksıalary ashylatyn bolady.