152 avtordan 180-ge tarta shyǵarma qabyldanǵan
Búgin Jazýshylar Odaǵynyń tórinde respýblıkalyq baıqaýdyń júldegerleri marapattaldy, dep habarlaıdy Almaty-akshamy.kz Almaty.tv-ge silteme jasap.
Balalar ádebıetine boılaǵan qatysýshylar ertegi jáne shaǵyn áńgime baǵytynda synǵa túsken edi. Jalpy 152 avtordan 180-ge tarta shyǵarma qabyldanypty. Onyń 41-i ertegi janrynda.
«Negizinen birinshi ret jazyp turǵan áńgimem. Jarysqa da birinshi ret qatysyp turmyn. Jeńimpaz bolǵanym, Respýblıkalyq dárejede baıqaýǵa qatysyp, jeńimpaz atanǵanyma qýanyp turmyn», – dedi «Altyn saqa» respýblıkalyq baıqaýynyń júldegeri Dámetken Saǵynbaeva.
Respýblıkalyq «Altyn saqa» baıqaýy bıyl birinshi ret uıymdastyrylyp otyr. İs-shara bir kúnde dúnıege kelgen qazaqtyń úsh klasık jazýshysy - Muhtar Áýezov, Oralhan Bókeı men Sherhan Murtazanyń qurmetine oraılastyrylǵan.
«Bul baıqaýǵa 18-35 jas aralyǵyndaǵy jastar qatysty. Baıqaý óskeleń urpaqty adamgershilikke tárbıeleýge, parasattylyqqa, sananyń ashyqtyǵyna jáne ulttyq biregeılikti saqtaýǵa kómegin tıgizedi», – dedi Qazaqstandyq qoǵamdyq damý ınstıtýtynyń joba menedjeri Rýslanbegen Tursynbetuly.