Uıaly operatorlardyń SIM-kartalaryn paıdalana otyryp, nesıeler alýǵa ótinimder rásimdegen
Almatyda azamattardyń jeke derekterin paıdalana otyryp, alaıaqtyq jolmen banktten 35 mln teńgeden astam qarjy urlamaq bolǵandar bas bostandyǵynan aıyryldy, dep habarlaıdy Almaty-akshamy.kz.
Almaty qalalyq prokýratýrasynyń málimetinshe, «D....» saıtynda alaıaqtar QR azamattarynyń elektrondyq saýalnamalyq derekterin satyp alyp, sodan keıin olardyń kelisiminsiz jáne eskertýsiz bank saıtynda uıaly operatorlardyń SIM-kartalaryn paıdalana otyryp, nesıeler alýǵa ótinimder rásimdegen jáne ınternet-bankıng arqyly urlanǵan aqsha qarajatyn jalǵan tulǵalardyń shottaryna aýdaryp otyrǵan.
«Qylmys jasaý úshin alaıaqtar qajetti tehnıka satyp alyp, abonenttik nómirlerdiń bir rettik sım-kartalaryn paıdalaný arqyly banktiń jeke kabınetine tirkelgen. Ári qaraı, banktik kartanyń derekteri men shottaryna ıe bola otyryp, olar ártúrli somalarǵa kedergisiz nesıe rásimdegen»,- dep habarlady vedomstvodan.
Medeý aýdandyq soty kinálilerdi asa iri mólsherde alaıaqtyq jasaǵany úshin 6 jylǵa bas bostandyǵynan aıyrdy.
Qala prokýratýrasy megapolıs turǵyndaryn saq bolýǵa jáne alaıaqtardyń aıla-amaldaryna túspeýdi taǵy da eskertedi.