Kúdikti qamaýǵa alyndy.
Almatylyq qoǵamdyq kólikterde er adam qalta urlyǵymen aınalysqan, dep habarlaıdy Almaty-akshamy.kz Polisia.kz-ke silteme jasap.
Almaty polıseıleri qoǵamdyq kólikterde qalta urlyǵymen aınalysqan 44 jastaǵy Shyǵys Qazaqstan oblysynyń turǵynyn ustady.
«Birneshe kúnniń ishinde er adam qalalyq qoǵamdyq kólikterde bótenniń múlkin 5 ret urlaǵan. Kúdikti qala ortalyǵynda, Seıfýllın – Maqataev – Baıtursynov – Gogol kósheleriniń oramynda “júrgen”. Ol tańerteńgi jáne keshki “qarbalas ýaqytta” jolaýshylardyń qaltasyn “tekserip”, uıaly telefondardy tez jáne baıqatpaı sýyryp alyp otyrǵan. Qazirgi ýaqytta QR QK-niń 188-babynyń 3-bóligi (Urlyq) boıynsha sotqa deıingi tergeý amaldary júrgizilip jatyr. Kúdikti qamaýǵa alyndy. Tergeýdiń qazirgi kezeńinde ustalǵan azamattyń qala aýmaǵynda jasalǵan osyǵan uqsas basqa da qylmystarǵa qatysy bar-joǵy anyqtalyp jatyr», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.