Ystambuldan - Bishkekke baǵyt alǵan ushaqta Qytaı azamaty reseılik jolaýshynyń arqa qorjynynan 6700 dollardy urlaǵan, dep habarlaıdy Almaty-akshamy.kz. "Svodka AKIpress".
Reseılik azamat quqyq qorǵaý organdarynyń qyzmetkerlerine óte beristegi kresloǵa jaıǵasyp, sómkesin oryndyq arqasynda ilip qoıǵanyn aıtypty. Ushaq áýege kóterilisimen ol uıyqtap qalǵan, al oıanǵan soń sýy bar shólmekti alǵysy kelgen. Osy kezde ol arqa qorjyny basqasha jabylǵanyn baıqaıdy. Er adam birden qorjynǵa salǵan on myń dollardaı aqshasy ornynda ma dep teksere bastapty. Al aqsha býmasyn alyp shyqqanda, onyń aıtarlyqtaı azaıyp qalǵanyn baıqaǵan.
Ol birden artynda otyrǵan adamnan kómek surapty, osy kezde artyndaǵy adam ózge jolaýshyny nusqap, Qytaı azamaty onyń qorjynyna qol salǵanyn aıtqan. Muny baıqaı sala, qytaılyq asyǵa-úsige dárethanaǵa bet alypty, alaıda qaıtyp kelisimen ustalyp qaldy. Olar kúdiktini bortserikke aparyp, jaǵdaıdyń anyq-qanyǵyna kóz jetkizbek bolǵan. Ekıpaj qyzmetkerleri dárethanany aqtaryp, qaǵaz turatyn orynnan jasyrýly turǵan 6700 dollardy taýyp alypty.
Áýe kemesi Bishkekke qona salysymen, uryny zań qyzmetkerleri ustady. Sot ony 100 myń som (526 myń teńge shamasynda) aıyppul tóleýge mindettedi. Sonymen qosa, ony Qyrǵyzstannan deportasıalaý týraly sheshim qabyldanǵan.