Jarysty Defence Hub jáne jergilikti áskerı basqarý organdarynyń qoldaýymen «Jas sarbaz» balalar-jasóspirimder áskerı-patrıottyq birlestiginiń Almatydaǵy fılıaly uıymdastyrdy.
Almaty oblysyndaǵy Baıserke áýeaılaǵynda Keńes Odaǵynyń Batyry, birinshi Qorǵanys mınıstri, Halyq qaharmany armıa generaly Saǵadat Nurmaǵambetovke arnalǵan jasóspirim tehnık-konstrýktorlardyń qalalyq jarysy ótti.
– Zymyran jáne avıasıa úlgilerin jasaý sport túrin damytý búginde edáýir nazarǵa alynýda. Bul baıqaý daryndy balalardy anyqtaýǵa jáne qoldaýǵa, olardyń tehnıkalyq jáne shyǵarmashylyq qabiletterin arttyrýǵa baǵyttalǵan. Jýyrda oqýshylardy osy baǵytta maqsatty túrde daıyndaýdy josparlap otyrmyz, – dedi jarystyń bas tóreshisi zymyran úlgilerin jasaý sportynan álem chempıony Iýrıı Fılchýkov.
Jarysqa 9-17 jas aralyǵyndaǵy 130-dyń ústinde oqýshy qatysty. Jas tehnıkter S6 klasty úlgilerdi jobalaýda, óndirýde, iske qosýda jáne basqarýda baǵyn synady.
Jarys qorytyndysy boıynsha birinshi oryndy № 78 mektep-gımnazıasynyń, ekinshi oryndy Almaty jolaýshylar kóligi jáne tehnologıalar kolejiniń, úshinshi oryndy № 137 mekteptiń komandalary ıelendi. Almaty qalasy №105 gımnazıasynyń oqýshylary sharany ótkizýge jáne tóreshilikke belsene atsalysty.
