30 delegat saılandy, onyń 33,3%-y áıelder.
Almatyda Nur Otan partıasy qalalyq fılıaly Saıası keńesiniń otyrysynda partıa sezine qatysatyn delegattar tizimi jasaqtaldy, dep habarlaıdy Almaty-akshamy.kz
Partıanyń qalalyq fılıalynyń Saıası keńesiniń jumysyna Almaty qalasy ákiminiń orynbasary A.Qyryqbaev, partıanyń qalalyq fılıaly tóraǵasynyń birinshi orynbasary M.Otynshıev, Almaty qalasy máslıhatynyń hatshysy S.Kankýrov jáne qalalyq máslıhattaǵy partıa fraksıasynyń jetekshisi L.Ibragımova, sondaı-aq fılıaldyń aktıvi, depýtattar men aýdandyq fılıaldardyń ókilderi qatysty. Saıası keńes músheleri delegattar quramynyń joǵary deńgeıin atap ótti.
«Barlyq delegattar partıa jarǵysyna sáıkes saılandy. Almatydan 30 delegat saılandy. Delegattar quramy qoǵamnyń barlyq spektrin qamtıdy jáne oǵan ekonomıka, bıznes, bilim berý, mádenıet, memlekettik basqarý, densaýlyq saqtaý organdarynyń jáne t.b. túrli salalarynyń ókilderi kirdi. Al áıelderdiń quramy 33,3% qurady», - dep habarlady Almaty qalasy máslıhatyndaǵy Nur Otan fraksıasynyń jetekshisi Lázzat Ibragımova.
Budan bólek, "nurotandyqtar" partıanyń barlyq jumysyn túbegeıli qaıta qurýdy júzege asyrýda el Prezıdenti qoıǵan jańa mindetterdi talqylady. Partıa músheleriniń pikirinshe, tek partıanyń ǵana emes, tutas eldiń jańǵyrý kezeńinde partıanyń jańa Kóshbasshysy Qasym-Jomart Toqaevqa Qazaqstandy demokratıalandyrýdyń kelesi kezeńin qalyptastyrýda jan-jaqty qoldaý kórsetý qajet.
«Eldiń basty saıası kúshi retinde ornyqqan Nur Otan reformalardy júzege asyrýǵa belsendi qatysyp, Qazaqstandy serpindi qaıta qurý men jańǵyrtýdyń negizgi qozǵaýshy kúshi bolatyny sózsiz. Nurotandyqtar qala turǵyndarynyń suranysyna sáıkes óz jumystaryn kúsheıtýge daıyn. Partıanyń qalalyq fılıaly sarapshylarmen, saıasattanýshylarmen jáne qoǵamdyq pikir belsendilerimen túrli formatta kóptegen kezdesýler ótkizdi, onda partıalyq jumystyń mazmuny men ádisterin jańartý boıynsha usynystar jınaldy. Nátıjesinde biz partıa jumysyn qaıta qurý boıynsha óz usynystarymyzdy ázirledik jáne olardy ári qaraı qarastyrý úshin partıanyń Ortalyq apparatyna joldadyq», - dep túıindedi partıanyń Almaty qalalyq fılıaly tóraǵasynyń birinshi orynbasary Meıirjan Otynshıev.
Esterińizge salsaq, Nur Otan partıasynyń Tóraǵasy Qasym-Jomart Toqaev aǵymdaǵy jyldyń 1 naýryzynda kezekten tys XXII sıezi shaqyrý týraly sheshim qabyldady. Sezge barlyq óńirlerden delegattar qatysady.