Bul qatarda «Áskerı boryshty óteýdiń úkimi», «Shashty transplantasıalaýdyń úkimi» sıaqty taqyryptar bar.
QMDB baspasóz qyzmetiniń málimetine sáıkes, Almaty qalasyndaǵy Ortalyq meshitte QMDB Tóraǵasy, Bas múftı Naýryzbaı qajy Taǵanulynyń tóraǵalyǵymen ótip jatqan Ǵulamalar keńesiniń HHHİİİ májilisinde qoǵamdyq mańyzy bar pátýalardyń mátini talqylandy, dep habarlaıdy Almaty-akshamy.kz
Atap aıtqanda, «Áskerı boryshty óteýdiń úkimi», «Qaýeset taratýdyń úkimi», «Memleket jáne jeke tulǵanyń múlkine qol suǵýdyń úkimi», «Janýarlardyń aǵzasyn adamǵa salýdyń úkimi», «Shashty transplantasıalaýdyń úkimi», «Artyq saýsaqty alýdyń úkimi», t.b. taqyrypta ázirlengen pátýalardyń mátini talqyǵa salynýda. Sonymen qatar, «Islam ensıklopedıasy» kitabynyń İ tomynyń, «Babalar izimen: Qazaq dalasyndaǵy musylmandyq mektep» kitabynyń jáne «Q.A. Iasaýıdiń ómiri, qyzmeti, shyǵarmashylyǵy» kitabynyń mazmuny jan-jaqty qaralýda.
Bas múftı Naýryzbaı qajy Taǵanuly nátıjeli eńbek etip kele jatqan ǵalymdarǵa alǵys bildirip: «Allaǵa shúkir, Ǵulamalar keńesiniń jumysy joǵary deńgeıde ótip keledi. Sonyń nátıjesinde byltyr «Pátýalar jınaǵynyń» úshinshi tomyn jaryqqa shyǵardyq. Sonymen qosa ǵylymı jobalardy qolǵa aldyq. Osy oraıda eńbek etip, atsalysqan barshańyzǵa taǵy da Alla razy bolsyn dep shynaıy alǵysymdy jetkizemin», - dedi.