Maýsym aıynda barlyǵy 497 adamnan koronavırýs anyqtaldy
COVID-19 juqtyrǵandar sany artyp keledi. Sońǵy táýlikte 77 jaǵdaı tirkeldi, dep habarlaıdy Almaty-akshamy.kz QazAqparatqa silteme jasap.
Qalalyq sanıtarıalyq-epıdemıologıalyq baqylaý departamentiniń málimetinshe, stels-omıkron shtamynyń tirkelýine baılansty, indet juqtyrǵandar sany artty.
«Maýsymnyń 23 kúni referens-zerthanaǵa PSR nátıjesi oń bolǵan 74 synama jetkizildi, sonyń nátıjesi boıynsha 58 (78,4%) synama stels-mýtasıanyń, 16 synama (22%) omıkron-mýtasıanyń yqtımalyn kórsetti (tolyq-genomdyq sekvenırlik zertteý jalǵasyp, rastaý kútilýde). Bul nátıjeler búgingi tańda oryn alyp jatqan COVID-19 oqıǵalarynyń órshýiniń sebepkeri vırýstyń stels-omıkron túri ekenin anyqtady»,- dep habarlady departamenttiń baspasóz qyzmetinen.
Búgingi tańǵa qalyptasqan qarqynmen COVID-19 aýrýy jalǵasa berse, Almaty qalasy DSM koronavırýstyń epıdemıologıalyq jaǵdaıyn baǵalaý matrısasynyń sary aımaǵyna (belgili shekteýlerdi qoldanýǵa májbúrleıtin) kóp uzamaı, 100 myń turǵyndyq kórsetkish 25,0–ge jetkende, ótýi ábden múmkin. Osy jaǵdaıdyń aldyn alý, boldyrmaý maqsatynda qala turǵyndaryn vaksınasıalaý men revaksınasıalaý qajet, ásirese múldem vaksına almaǵandardy.
Vedomstvodan atap ótkendeı, epıdemıologıalyq jaǵdaıdy baǵalaý matrısasynda Almaty «jasyl aımaqta» tur, maýsym aıynda barlyǵy 497 adamnan koronavırýs anyqtaldy. Naýqastardyń kópshiligi, ıaǵnı bul 275 adam, múldem ekpe almaǵan, 112-si tolyq ekpe alǵan, biraq jarty jyldan keıin tıisti revaksınasıadan ótpegen.
«Jalpy ımýnıteti álsiregender men joqtar aýrýǵa shaldyqqandardyń 84%-yn qurady. Bul jaǵdaı vaksınasıa men revaksınasıa almaǵandar stels-omıkronyna shaldyǵyp jatqanyna dálel»,- dep qosty departament ókilderi.
Sondaı-aq vaksınany bir jyldan astam ýaqyt buryn alǵandardyń da vırýs juqtyrýy múmkin. Stels -omıkronnyń álsiregen ımýnıtetti buzyp, aǵzaǵa enetin qabileti joǵary.
«Búgingi tańǵa qalyptasqan qarqynmen COVID-19 aýrýy jalǵasa berse, Almaty qalasy koronavırýstyń epıdemıologıalyq jaǵdaıyn baǵalaý matrısasynyń sary aımaǵyna ótýi ábden múmkin. Osy jaǵdaıdyń aldyn alý, boldyrmaý maqsatynda qala turǵyndaryn vaksınasıalaý men revaksınasıalaý qajet, ásirese múldem vaksına almaǵandardy»,- dep atap ótti vedomstvodan.