Bul jobaǵa Qazaqstannyń túrli óńirlerinen 11 mektep pen 6 jastardyń resýrstyq ortalyǵy qatysady.
Almatyda jańa ashylǵan ortalyqta áleýmettik osal toptardaǵy jastarǵa bıznes negizderin, áleýmettik kásipkerlikti, taım menedjment sıaqty mańyzdy daǵdylarǵa tegin úıretedi, dep habarlaıdy Almaty-akshamy.kz.
«Qazaqstan Respýblıkasy Eńbek jáne halyqty áleýmettik qorǵaý mınıstrligi BUU Balalar qorymen (IýNISEF) birlesip, Almatyda jastarǵa arnalǵan Samgau UpShift jobalyq keńsesin ashty. Ol áleýmettik osal toptardaǵy jastardyń bıznes negizderin, áleýmettik kásipkerlikti, taım menedjmentti, synı, shyǵarmashylyq jáne kreatıvti oılaýdy, kommýnıkatıvtik jáne kóshbasshylyq daǵdylardy, komandalyq jumysty tegin úırenýi úshin qurylǵan. Jobaǵa qatysý úshin jashome.org saıtynda onlaın-ótinimdi toltyrý qajet», – delingen mınıstrliktiń baspasóz qyzmeti taratqan habarlamada.
Budan basqa, balalar mentordyń súıemeldeýimen ózderiniń bıznes-ıdeıalaryn iske asyrý úshin konkýrstyq negizde grant alýǵa úmitker bola alady.
«Samgau UpShift jobalyq keńsesiniń ashylýy – mańyzdy oqıǵa, sebebi bul mekeme – ınklúzıa satysy, ol jastarǵa qoǵamǵa tolyq beıimdelýge múmkindik beredi, bul bolashaq múmkindikterdi nyǵaıtý jáne odan ári tabysty áleýmettený úshin qajet», – dep atap ótti QR Eńbek jáne halyqty áleýmettik qorǵaý vıse-mınıstri Erlan Áýkenov.
Óz kezeginde Qazaqstandaǵy IýNISEF ókiliniń orynbasary Veronıka Vashenko jobalyq keńsede alǵan daǵdylar qazaqstandyq jastardyń básekege qabilettiligin arttyrýǵa yqpal etetinine senim bildirdi.
«Jahandaný jáne tehnıkalyq progres eńbek naryǵyndaǵy talaptardy únemi arttyrady, eger jasyna baılanysty jumys tájirıbesi bolmasa, olarǵa saı kelý qıyn. Sondyqtan kásipkerlik, toptyq jumys jáne yntymaqtastyq daǵdylaryn damytý qazaqstandyq jastar úshin olardyń básekege qabilettiligin arttyrý úshin óte mańyzdy», – dedi ol.
Saltanatty is-sharaǵa mınıstrlik pen qor ókilderinen basqa jobalyq keńsede oqıtyn balalar da qatysty. Olar qonaqtarmen óz ıdeıalarymen bólisti.
Aıta ketý kerek, Samgau UpShift jobasy buryn tek onlaın-rejımde iske asyrylǵan bolatyn. Máselen, karantın kezinde oqytýǵa 1 myńnan astam jas qatysty. Olarmen beıresmı bilim berý ádisnamasy boıynsha sertıfıkattalǵan mentorlar qatarynan iriktelgen trenerler jumys jasady. Ómirlik mańyzy bar daǵdylardy oqytý boıynsha 30-dan astam semınar, 2 onlaın býtkamp ótkizildi. 9 komanda shaǵyn granttar alyp, óz bıznes-ıdeıalaryn júzege asyrýda. Sondaı-aq, jobaǵa Qazaqstannyń túrli óńirlerinen 11 mektep pen 6 jastardyń resýrstyq ortalyǵy qatysady.
Esterińizge sala keteıik, Samgau UpShift– bul BUU Balalar qorynyń (IýNISEF) jáne Eńbekmıniniń jastarǵa arnalǵan baǵdarlamasy, onda eń osal toptarǵa (AITV jáne basqa sozylmaly aýrýlary bar, múgedektigi bar, ata-anasynyń qamqorlyǵynsyz qalǵan jastar) erekshe kóńil bólinedi.
IýNISEF ınovasıalyq zerthanasynyń flagmandyq bastamasy bolyp tabylatyn UPSHIFT ádisnamasyn paıdalana otyryp, baǵdarlama jastardy damytýdyń, jastardyń áleýmettik ınovasıalar men kásipkerlik salasyn ıgerýdiń ozyq ádisterin biriktiredi.