Almaty qalasy kásipkerlik jáne ınvestısıalar basqarmasynyń basshysy Erkebulan Orazalın Óńirlik komýnıkasıalar qyzmetiniń baspasóz máslıhatynda ınvestorlar úshin jaǵdaılar men perspektıvaly jobalar týraly aıtty.
E. Orazalınniń aıtýynsha, shaǵyn jáne orta bıznes sýbektileri úshin qoljetimdi óndiristik alańdar usyný maqsatynda Almaty ákimi Baqytjan Saǵyntaevtyń tapsyrmasy boıynsha ónerkásiptik parkter ashylýda.
Spıker ónerkásiptik parkterdi uıymdastyrýdyń tıimdi jaqtaryna nazar aýdardy. Birinshiden, bul aımaq óz kásibin jańadan bastaǵan adamdarǵa jaramdy, olar kásiporyndarynyń tabysty jumys isteýi týraly alańdamaıdy. Ekinshiden, ónerkásiptik parkter qala ekonomıkasynyń ósýine aıtarlyqtaı úles qosady: olarda jańa jumys oryndary qurylady, taýarlar men qyzmetter óndiriledi, shaǵyn jáne orta kásipkerlik damıdy, bos qalǵan ǵımarattar jóndelip, jumys isteý úshin paıdalanylady. Jalpy, munyń bári qalalyq búdjetke qosymsha salyq aǵynyn qalyptastyrady, sonymen qatar megapolıstiń sáýlettik kelbetin jaqsartady.
"Búginde 10 ónerkásiptik parkter bar, onyń 4-i qalada 32 jalǵa alýshymen iske qosyldy. Jyl sońyna deıin ındýstrıalyq aımaqta taǵy 4 parkte iske qosyldy. Al 2022 jyly taǵy ekeýin iske qosý josparlanýda. Ónerkásiptik park mártebesi Almaty Business aıasynda usynylatyn barlyq jeńildikterdi paıdalanýǵa múmkindik beredi», – dedi E. Orazalın.
Basqarma basshysy ónerkásiptik park qurý jónindegi jobanyń mańyzdylyǵyn aıtty, sondaı-aq kásipkerler qoljetimdi alańdarda bıznes ashýǵa nemese keńeıtýge múmkindik alady. Bir sharshy metr orynǵa 150 myń teńgege oryn satyp alý, bir sharshy metrge 1200 teńge kóleminde jalǵa alý mólsherlemesiniń tirkelgen quny belgilendi.
Sondaı-aq kásipkerlik jáne ınvestısıalar basqarma basshysy Almatyda SHOB-ty qoldaýdyń túrli baǵdarlamalary aıasynda kásipkerlik salasynda 10 myńnan astam jumys ornyn qurý týraly aıtty, bul megapolıs ekonomıkasynyń damýyna áser etedi.