Almatyda uzyndyǵy jarty shaqyrymǵa jýyq jańa demalys aımaǵy ashyldy, dep habarlaıdy almaty-akshamy.kz
Qala ákiminiń tapsyrmasy men turǵyndardyń ótinishteri boıynsha 2022-2023 jylǵy jóndeý aıasynda Alataý aýdany Aqbulaq shaǵynaýdany, Ahanov kóshesi boıynsha uzyndyǵy 450 metr bolatyn, bir mezgilde 700 adamdy qabyldaıtyn demalys aımaǵyn abattandyrý júrgizildi.
6000 sharshy metrden astam aýmaqta serýendeý joldary tóselip, oryndyqtar men ýrnalar, kóshe jaryǵy, pergala ornatyldy. Buqaralyq sportty damytý úshin barlyǵy bar - fýtbol, basketbol alańdary, ústel tenısine arnalǵan eki ústel, sondaı-aq keme tárizdi balalar oıyn alańy.
Qurylysshylar Memlekettik týǵa arnalǵan tý baǵanasyn da ornatty.
Jańa demalys aımaǵy birden kógaldandyryldy: jumysshylar qylqan japyraqty aǵashtardy otyrǵyzyp, 500 sharshy metrden astam jer kógaldandy.