Almatydaǵy ál-Farabı men Nazarbaev kósheleriniń qıylysyndaǵy «Sanset» meıramhanasynda túngi saǵat 00:30 shamasynda atys boldy. Kýágerlerdiń aıtýynsha, betperde kıgen 4 adam kelip, Makarov tapanshasynan oq jaýdyrǵan. Atystan bir adam asqazanynan, ekinshisi aıaǵynan jaralanǵan, dep habarlaıdy Almaty-akshamy.kz.
Polıseıler bul derekti Almaty qalasy Bostandyq aýdanynyń polısıa bólimi tirkep, tergeý júrgizip jatqanyn málimdedi.
«Qylmys ornyna qalalyq polısıa departamentiniń bastyǵy Arystanǵanı Zapparov bastaǵan jedel-tergeý toby bardy.
Qazirgi tańda atalǵan qylmysty ashýǵa baǵyttalǵan keshendi jedel is-sharalar júrgizilip jatyr», - dep jazdy İİM-nen.
Ondaǵy aqparatqa qaraǵanda, kúdiktilerdiń biri qamaýǵa alyndy. Qalǵan qatysýshylar anyqtalyp, tıisti jaýapkershilikke tartylatyn bolady.