Tergeý barysynda 106 myńǵa jýyq jalǵan avtokólik bólshekteri tárkilendi.
Qarjy monıtorıń agenttiginiń málimetinshe, Almatyda tanymal brendterdiń atyn jamylyp, jalǵan avtokólik bólshekterin satýmen aınalysqan top ustaldy, - dep habarlaıdy Almaty-akshamy.kz
«Jedel is-sharalar barysynda jalpy somasy 1,8 mıllıard teńgeden asa somaǵa «Toıota», «Leksýs», «Húndaı», «Honda» taýar belgisi bar kontrafaktilik avto bólshekter qoımasy joıyldy. Almaty qalasy boıynsha QMA aýmaqtyq departamenti qalalyq prokýratýranyń úılestirýimen joǵaryda atalǵan tulǵalarǵa qatysty sotaldy tergeý amaldaryn aıaqtady», - delingen habarlamada.
Vedomstvo málimetinshe, kontrafaktilik qosalqy bólshekter fırmalyq qoraptarǵa salynyp, Qazaqstannyń kólik bazarlaryna taratylǵan.
Qazir is sotta qaralyp jatyr. Qarjy monıtorıńi agenttigi taýar tańbalarynyń zańsyz paıdalanylýyn anyqtaý jáne adal bıznesti qorǵaý boıynsha jumysty jalǵastyryp jatyr.