Zattar ıesine qaıtaryldy.
Almaty aýrýhanasynda er adam dárigerdiń kúrteshesi men aıaq kıimin urlap ketken, dep habarlaıdy Almaty-akshamy.kz Polisia.kz saıtyna silteme jasap.
«Medısınalyq kómek alǵan 30 jastaǵy er adam aýrýhanaǵa jatqyzylǵannan keıingi kúni ruqsatsyz, óz erkimen aýrýhanadan ketýge sheshim qabyldady. Biraq naýqastyń jyly kıimi jáne aıaq kıimi bolmaǵandyqtan, ol qyzmetkerler bólmesine kirip, óziniń ólshemine keletin qolaıly kıimderdi alǵan. Bul hırýrg-dárigerdiń zattary bolyp shyqty. Beınebaqylaý kameralarynyń, sondaı-aq arnaıy bazanyń kómegimen kúdiktiniń saýsaq izderin baqylaý arqyly onyń jeke basyn naqty anyqtaý múmkin boldy. Qylmyskerdi «izin sýytpaı» ustady, – dep habarlady Medeý aýdandyq PB janyndaǵy polısıa bóliminiń bastyǵy Edilhan Baıǵaraev.
Ońaı aqshaǵa áýes adam qarajatty jumsap úlgerdi. Atalǵan derek boıynsha QR QK-niń 188-babyna (urlyq) sáıkes qylmystyq is qozǵalyp jatyr. Ustalǵan adam jasaǵan is-áreketin joqqa shyǵarmaı, birden moıyndady.