Soǵan baılanysty turǵyndarǵa sınoptıkter tarapynan eskertý jasaldy.
Erteń Qazaqstannyń keı óńirinde kóktaıǵaq, tuman bolmaq, dep habarlaıdy Almaty-akshamy.kz "Qazgıdrometke" silteme jasap.
Aqmola oblysynyń soltústigi men batysynda tańerteń jáne kúndiz jaıaý burqasyn, kóktaıǵaq kútiledi. Oblystyń ońtústigi men batysynda túnde jáne tańerteń tuman túsedi. Oblystyń soltústik-batysy men shyǵysynda ońtúistik-batystan soǵatyn jel ekpini 15-20 m/s-qa jetedi. Kókshetaý qalasynda kúndiz jaıaý burqasyn kútiledi. Ońtústik-batystan soǵatyn jel ekpini tańerteń jáne kúndiz 15 m/s-qa deıin jetedi.
Atyraý oblysynyń batysy, shyǵysy men ortalyǵynda tuman túsýi boljanyp otyr. Atyraý qalasynda túnde jáne tańerteń tuman kútiledi.
Jambyl oblysynyń soltústigi men taýly aýdandarynda tuman bolady. 26 aqpanda kúndiz oblystyń soltústik-shyǵysy men taýly aýdandarynda soltústik-shyǵystan soǵatyn jel ekpini 15-20 m/s jetedi. Tarazda túnde jáne tańerteń tuman kútiledi.
Batys Qazaqstan oblysynyń soltústiginde kóktaıǵaq bolady. Oblystyń soltústigi men batysynda tuman. Oral qalasynda da túnde tuman túsedi, kóktaıǵaq.
Qaraǵandy oblysynyń batysy, soltústigi men shyǵysynda tuman bolmaq. Qaraǵandynyń ózinde túnde jáne tańerteń tuman túsýi yqtımal. Jezqazǵan qalasynda túnde jáne tańerteń tuman bolmaq.
Qostanaı oblysynyń soltústik-batysynda jaıaý burqasyn, kóktaıǵaq kútiledi. Oblystyń ońtústigi men shyǵysynda tuman túsýi múmkin Oblystyń soltústik-batysynda jeldiń jyldamdyǵy 15-20 m/s jetedi. Qostanaı qalasynda ońtústik-batystan soǵatyn jel ekpini 15-20 m/s. Kúndiz jaıaý burqasyn, kóktaıǵaq bolady.
Qyzylorda oblysynyń soltústiginde tuman kútiledi.
Pavlodar oblysynyń ońtústiginde tuman túsedi.
Soltústik Qazaqstan oblysynyń soltústik-shyǵysy, soltústigi men batysynda jaıaý burqasyn, kóktaıǵaq bolmaq, Oblystyń ońtústiginde tuman kútiledi. Oblystyń soltústigi men batysynda ońtústik-batystan 15-20 m/s jel soǵady, ekpini 25 m/s-qa deıin jetedi. Petropavl qalasynda kúndiz jaıaý burqasyndatyp, kóktaıǵaq bolady. Ońtústik-batystan 15-20 m/s jel soǵady, kúndiz ekpini 25 m/s-qa deıin jetedi.
Túrkistan oblysynyń ońtústigi men taýly aýdandarynda túnde jáne tańerteń tuman túsýi múmkin.