«Almaty» TA-daǵy Akimat LIVE baǵdarlamasynyń tikeleı efırinde qala turǵyndarynyń suraqtaryna jaýap bere kelip, megapolıs ákimi Baqytjan Saǵyntaev «Búdjetke qatysý» jobasy boıynsha aýmaqty abattandyrý múmkindigi týraly aıtty, dep habarlaıdy Almaty-akshamy.kz
Baqytjan Saǵyntaev 8 aýdannyń árqaısysyna qala búdjetinen 800 mln teńge bólinetinin atap ótti. Jobanyń jalpy somasy 6,4 mlrd teńge. Bir jobanyń maksımaldy quny 58,3 mıllıon teńgeden aspaýy tıis.
Jobaǵa qatysý úshin 1 qazanǵa deıin budget.open-almaty.kz saıtynda qalalyq ortany damytýdyń ıdeıasyn usyný qajet. Eger bul bastama basqa turǵyndardyń daýysymen qoldaý tapsa, ol qalalyq búdjet esebinen júzege asady.
Bul rette jobaǵa qatysýshylardyń daıyndyq jumystarynyń sapasyn arttyrý úshin, 13 qyrkúıekten bastap «Búdjetke qatysý» boıynsha tegin onlaın-trenıngter Uyumdasu Participatory Budgeting áleýmettik jobasy aıasynda uıymdastyrylady. Trenıńke «Open Almaty» saıtyndaǵy silteme boıynsha tirkelýge bolady.
Eske salsaq, «Búdjetke qatysý» jobasy Almatyda ekinshi jyl júzege asyrylýda. 23 tamyzdan bastap jobany iske asyrýdyń úshinshi jylyna ótinimderdi qabyldaý bastaldy. Eki jyl ishinde saıabaqtardy, skverlerdi, aýlalardy abattandyrýǵa, sondaı-aq kópshilik paıdalanylatyn jerlerdi jaryqtandyrýǵa jáne jóndeýge jalpy quny 7,3 mlrd teńge bolatyn 322 joba (2020 j. - 49 joba, 2021j. - 273 joba) iske asty.
Bul jobadaǵy búdjettiń úlesi 5%-dy quraıdy, bul belgilengen eń tómengi kólemnen 10 ese kóp – jyldyq búdjettiń 0,5%-ynan kem emes. Bolashaqta «Búdjetke qatysý» jobasy aıasynda qarjylandyrýdy kóbeıtip qana qoımaı, shetki aımaqtar úshin jobalardy irikteý prosedýralaryn odan ári jetildirý josparlanýda. Osylaısha turǵyndardan jyl boıy usynystar jınaý josparlanýda.