Táýliktik ósimniń 1,0%-dan 0,7%-ǵa deıin turaqty tómendeýimen turaqtaldy.
Megapolıs ákimi Baqytjan Saǵyntaev «Almaty» TA-daǵy Akimat live baǵdarlamasynyń tikeleı efıri barysynda koronavırýs ınfeksıasy boıynsha sanıtarlyq-epıdemıologıalyq ahýal týraly aıtty, dep habarlady Almaty-akshamy.kz.
Baqytjan Saǵyntaevtyń málimetinshe, Almatydaǵy KVI boıynsha epıdemıologıalyq ahýal táýliktik ósimniń 1,0%-dan 0,7%-ǵa deıin turaqty tómendeýimen turaqtaldy. Alaıda, epıdemıologıalyq jaǵdaıdy baǵalaý matrısasynda qala qyzyl aımaqta bolýyn jalǵastyrýda.
Qala turǵyndary arasynda PTR zertteýleriniń oń nátıjeleriniń sany tómendeýde. Eger 26 tamyzda 1561 bolsa, al 7 qyrkúıekte - 911. Sáıkesinshe, R sany (juqtyrý ındeksi) 1,02-den 0,86-ǵa deıin tómendeýin jalǵastyrýda. «Sımptomdy» naýqastardyń úlesi artýda, 7 qyrkúıekte 95,7%-dy qurady, bul COVID-19 brıtandyq nusqasyn úndi nusqasynyń yǵystyrýyn kórsetedi.
Sońǵy 2 aptanyń ishinde naýqastardyń jas quramyna salystyrmaly taldaý 20-39 jas aralyǵyndaǵy azamattardy qospaǵanda, barlyq jastaǵy ınfeksıalar úlesiniń óskenin kórsetti. Kóbinese KVI juqtyrý 20-39 jas aralyǵyndaǵy qala turǵyndary arasynda (18,6%), 40-59 jastaǵylar arasynda (23,8%) jáne 60 jastan asqan qart adamdar arasynda 25%-dy quraıdy.
Jumyspen qamtý turǵysynan syrqattanýshylyq qurylymy aldyńǵy aptaǵa qaraǵanda ózgergen joq. Ótken 7 kún ishinde KVI derti áli de ózin-ózi jumyspen qamtyǵandar men jumys jasamaıtyndar arasynda basym - 36,6%, zeınetkerler arasynda - 23,2%, túrli JSHS qyzmetkerleri, jeke kásipkerler, AQ arasynda - 16,8%, mektep oqýshylary arasynda - 9% jáne mektepke deıingi balalar arasynda - 6, 4 %.
8 qyrkúıektegi jaǵdaı boıynsha, qalada 154 763 koronavırýs ınfeksıasy tirkeldi, onyń ishinde 132 796 jaǵdaı sımptomdy jáne 21 967 - sımptomsyz, anyqtalmaǵan pnevmonıa - 2 275. 7 qyrkúıekte bir táýlikte 911 koronavırýs ınfeksıasynyń jaǵdaıy tirkeldi, onyń 872-si sımptomdy jaǵdaı, anyqtalmaǵan pnevmonıa - 12.
Infeksıalyq stasıonarlarda jalpy syıymdylyǵy 7 705 tósek oryn bar, bularda 3 754 adam emdelýde , onyń ishinde 116 bala. 184 naýqas óte aýyr jaǵdaıda, 1 534 aýyr jaǵdaıda, 2 033 ortasha jáne 3 jeńil dárejede. RIT bóliminde barlyǵy 339 naýqas bar. ÓJJ apparatynda - 58, ınvazıvti emes ÓJJ apparatynda - 137, High flow apparatynda - 168 .
8 qyrkúıektegi jaǵdaı boıynsha, birinshi komponentpen 4 184 adam, ekinshi komponentpen 6 455 adam egildi.1 aqpannan 7 qyrkúıekke deıingi barlyq kezeńde 895 959 adam I komponentti, 773 814 adam II komponentti aldy. 60 jastan asqandar egilgenderdiń jalpy sanynan 114 440 adamdy quraıdy.