«Sálem» bazarynda birneshe konteıner otqa orandy
Almatydaǵy «Baraholka» bazarynan órt shyqty, dep habarlaıdy Almaty-akshamy.kz.
Almaty qalalyq tótenshe jaǵdaılar departamentiniń málimetinshe, 6 aqpan kúni saǵat 21:09 shamasynda órt sóndirýshiler Jetisý aýdany, Bókeıhanov kóshesi, 508a mekenjaıyna shaqyrtýǵa shyqty.
«Alǵashqy órt sóndirý esepteri oqıǵa ornyna 3 mınýtta keldi. Olar «Sálem» bazarynda birneshe konteınerdiń otqa oranǵanyn anyqtady. Aldyn ala aqparat boıynsha, órt 120 sharshy metr aýmaqty sharpyǵan. Oqıǵa ornynda eki órt sóndirý ýchaskeleri quryldy», - dep habarlady vedomstvodan.
Saǵat 21:42-de órt oqshaýlandy. Oqıǵadan zardap shekkender joq. Órttiń shyǵý sebebi anyqtalyp jatyr.