Almatyda qoǵamdyq kólikterdiń jol-kólik oqıǵasy ushyraýy jıilep ketti, dep habarlaıdy Almaty-akshamy.kz
Almaty qalalyq polısıa departamentiniń resmı aqparatyna sáıkes, 2021 jyly megapolıste 363 kólik apaty boldy. Sonyń saldarynan 10 adam qaza taýyp, taǵy 519 adam túrli dárejedegi dene jaraqatyn aldy.
Sondaı-aq, qoǵamdyq kólik júrgizýshileriniń kinásinen 264 jol-kólik oqıǵasy oryn alyp, sonyń saldarynan 9 adam qaza taýyp, taǵy 344 adam jaraqat alǵan.
«Qoǵamdyq kólik júrgizýshileri jolaýshylar tasymaldaıtynyn jáne kólik júrgizý kezinde adamdardyń qaýipsizdigine úlken jaýapkershilikpen qaraıtynyn este ustaǵan jón. Sondyqtan jumysqa qabyldaý kezinde avtobýs júrgizýshileri men kólik quraldarynyń qujattary muqıat tekserilýi kerek», - dep atap ótti qalalyq polısıa departamentinde.
Aıta keteıik, D sanatyndaǵy júrgizýshi kýáligi 25 jasqa tolǵan jáne keminde 5 jyl, onyń ishinde D1 sanaty boıynsha kólik júrgizý ótili 3 jyldan kem emes adamdarǵa beriledi.
Almaty qalalyq İİD kólik júrgizýshilerine jol erejesin saqtap, jyldamdyqty shekten tys asyrmaýdy eske saldy.