Jeke sektordaǵy órtterdi jáne gazben ýlanýdy azaıtý maqsatynda Almaty qalasy TJD qyzmetkerleri múmkindiginshe kóbirek jeke úılerdi túsindirme jumystarymen qamtýǵa tyrysyp, órt qaýipsizdigi senbiligin ótkizdi, dep habarlaıdy Almaty-akshamy.kz
Qutqarýshylardy «Qyzyl Jarty Aı qoǵamy» jáne «QT kóshbasshysy», «QazTransAımaq», áleýmettik ál-aýqat basqarmasy, ákimdik qoldady.
Tek senbi, jeksenbi kúnderi TJD jeke quramy 2 myńnan astam turǵyn úılerdi aralap, órt qaýipsizdigi erejelerin saqtaý týraly jadynamalar taratyldy.
2021 jyldyń qyrkúıeginen bastap 148 myń 346 jeke turǵyn úı esepke alyndy, onyń ishinde áleýmettik abattandyrý basqarmasynyń ókilderimen birlesip, halyqtyń áleýmettik osal toptarynyń 1 400-den astam úıi tekserildi.
Beıáleýmettik ómir saltyn júrgizetin azamattarǵa jatatyn 1 876 adamdar anyqtalyp jáne jergilikti polısıa qyzmetiniń qatysýymen birlesken reıdter ótkizildi.
Qanaǵattanarlyqsyz jaǵdaıdaǵy halyqtyń áleýmettik osal toptaryna jatatyn 325 úı anyqtalyp, olarǵa ataýly áleýmettik kómek kórsetý úshin aýdandyq ákimdikter men áleýmettik ál-aýqat basqarmalary habarlandy.
Sonymen qatar, 54 otbasy úshin «Kómek qoly» naýqany uıymdastyrylyp, onda TJD qyzmetkerleri elektr jelilerin, jylytý júıelerin, pesh konstrýksıalaryndaǵy jaryqtardy jóndeý, tútindikterdi kúıeden tazartý boıynsha ataýly órt-profılaktıkalyq kómek kórsetti, onda 50-ge jýyq ýly gaz dachıkteri ornatyldy (2019 jyldan bastap 1 304 úı jabdyqtalǵan). Ýly gazdan qorǵaıtyn dachıkterdi ornatý halyqtyń áleýmettik osal toptarynyń úılerinde ǵana júrgiziletinin atap ótý qajet.
Jeke turǵyn úılerde gazben ýlaný jaǵdaılaryn boldyrmaý úshin, Aqmaty qalasy TJD qarapaıym órt qaýipsizdigi erejelerin eske salady:
- jylytý peshteriniń tútin murjalaryn, tútindikterin tikeleı jylytý maýsymynyń aldynda jáne barysynda kúıeden tazartý qajet;
- peshterde, murjalarda jáne basqa da jylytý quraldarynda otyndy, kıim-keshekti jáne basqa da janǵysh zattardy keptirýge bolmaıdy;
- gaz jáne jylý júıelerine únemi jáne sapaly qyzmet kórsetin mamandarǵa júginý qajet ;
- órtti kórip nemese tútinniń ıisi sezilse, 101 nemese 112 nómirine qońyraý shalyńyz.