Almatyda jol apatyn boldyrmaı, qoǵamdyq kólik pen jolaýshylardy aman alyp qalǵan júrgizýshi marapattaldy, dep habarlaıdy Almaty-akshamy.kz Inform.kz-ke silteme jasap.
Oqıǵa 10 qazan kúni saǵat 10:30 shamasynda bolǵan.
«Qaskeleń avtobýs parki» JSHS málimetinshe, sol kúni Raıymbek dańǵyly men Saın kóshesiniń qıylysyndaǵy kópir ústinde shyǵys baǵytta kele jatqan 23 avtobýstyń tejegishiniń jumysy qıyndaǵan.
«Avtobýs tańerteń tolyq tehnıkalyq tekserýden ótken soń reıske shyqqan. Oqıǵa reıstiń ekinshi aınalymynda bolǵan. Júrgizýshi Damır Uzaqovtyń tájirıbesi men der kezindegi áreketi arqasynda oqıǵa kezinde zardap shekkender bolǵan joq. Avtobýs tehnıkalyq jumys júrgizý úshin avtoparkke jetkizildi. Sondaı-aq, mundaı jaǵdaıdy qaıta boldyrmas úshin parktiń barlyq avtobýsyna tekseris júrgizildi»,- dep habarlady Almaty qalalyq mobıldilik basqarmasy.
Aıta keteıik, júrgizýshi Damır Uzaqovty basshylyǵy gramotamen marapattap, bir aıdyń qorytyndysy boıynsha syıaqy berdi.
Sondaı-aq, jeli qoldanýshysy oqıǵanyń qalaı bolǵany týraly vıdeo túsirdi.