Seýlde bilim alyp júrip, mereke kúni kóz jumǵan Mádına Shernıazovanyń denesi erteń Aqtóbege jetkizilýi múmkin. Qazirgi kezde QR Syrtqy ister mınıstrligi otbasymen habarlasyp, kómek kórsetýge ýáde etken, dep habarlaıdy Almaty-akshamy.kz Inform.kz-ke silteme jasap.
Koreıanyń Seýl qalasynda bolǵan qaıǵyly jaǵdaı kezinde aqtóbelik stýdent Mádına Shernıazova kóz jumdy.
QR Syrtqy ister mınıstrliginiń baspasóz qyzmeti qazaqstandyq dıplomattar qaza tapqan azamattyń týystarymen baılanysta, qujat resimdeýge jáne máıitti Qazaqstanǵa jetkizýge barlyq qajetti kómek kórsetiletinin aıtyp, aqparat taratty.
Otbasynyń habarlaýynsha, denesi aldymen Almatyǵa jetkiziledi. Keıin týǵan jeri Aqtóbege ákelinedi. Shamamen erteń keshkilik tasymaldanýy múmkin.
Aıta keteıik, Mádına Shernıazova Aqtóbe qalasyndaǵy №27 orta mektepte oqyǵan. 2013 jyly bitirip, oqýǵa túsken.
«Aldymen Qazan qalasynda joǵary oqý oryn bitirip, keıin Koreıaǵa ekinshi joǵary oqý ornyna tústi. Onda magıstratýrada oqydy. Oqýshy alǵyr boldy. Aǵylshyn tilin jaqsy meńgerdi. Biz otbasymen baılanysta bolyp, onyń qaıda bilim alyp júrgenin bilip júrdik. Qazir ata-anasyna qıyn, biz kóńil aıtamyz», - dedi №27 orta mektep dırektorynyń orynbasary Altyngúl Atkıeva.
Sýret: aa.com.tr