Jármeńkede Almaty oblysynyń Qarasaı, Jambyl, İle, Talǵar men Eńbekshiqazaq aýdanynan kelgen saýdagerler ónimderin usyndy
Almatyda demalys kúnderi aýyl sharýashylyq jármeńkesi ótti, dep habarlaıdy Almaty-akshamy.kz Almaty.tv-ge silteme jasap.
Jármeńkede Almaty oblysynyń Qarasaı, Jambyl, İle, Talǵar men Eńbekshiqazaq aýdanynan kelgen saýdagerler ónimderin usyndy. Saýda-sattyq alańdary qalanyń Medeý, Bostandyq, Almaly, Áýezov, Túrksib aýdandarynda quryldy.
«Apta saıyn shatyrlar qoıylady. Tólemaqysy - aıyna 18850 teńge. Arnaıy oryndyqtaryn, ornyn beremiz. Almaly aýdany jármeńkesinde 118 shatyr bar», – dedi «Almaty» ÁKK» AQ bólim basshysy Renat Rabatov.
Aýylsharýashylyq jármeńkesi jyl on eki aı, senbi-jeksenbi kúnderi uıymdastyrylady. Mundaı bazarlyq óndirýshiniń óz ónimin aradaǵy deldalsyz halyqqa tikeleı jetkizýi úshin júzege asady. Al qala turǵyndaryna kartop pen kókónis, et, balyq, qus etin, sút pen shujyq ónimderin naryqtaǵy baǵadan 20 paıyzǵa arzan satyp alýǵa múmkindik týdy.
«Sharýa qojalyǵymyz bar. «Kelińizder, jármeńke bar» dep ylǵı aıtatyn. Búgin taýarymyzdy alyp keldik, kórsetilgen baǵada satylyp jatyr», – dedi saýdager Roza Ábdiraıymova.
«Jármeńke óte jaqsy. Qymbat, arzan demeı, jaǵdaıymyzǵa qaraı alyp jatyrmyz. Shóberelerime ár nárseden alamyn, shúkir Allaǵa», – dedi qala turǵyny Záıtýna Lepisova.