Almatyda 2023 jyly 2,5 mlrd teńgege 27 myńǵa jýyq adamǵa ataýly áleýmettik kómek taǵaıyndaldy.
Óńirlik komýnıkasıalar qyzmetiniń brıfıńinde halyqtyń áleýmettik osal toptarynan shyqqan azamattarǵa taǵy qandaı qoldaý sharalary kórsetiletinin Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málimdedi, dep habarlaıdy almaty-akshamy.kz.
Basqarmada atap ótkendeı, az qamtylǵan otbasylarǵa, UOS ardagerlerine, zeınetkerlerge, múgedektigi bar adamdarǵa, ómirlik qıyn jaǵdaıǵa tap bolǵan adamdarǵa jáne halyqtyń basqa da osal toptaryna kórsetiletin áleýmettik kómektiń barlyǵy 17 túri bar.
Ataýly áleýmettik kómekke keletin bolsaq, bul jan basyna shaqqandaǵy ortasha tabysy kedeılik sheginen tómen otbasylarǵa baǵyttalǵan áleýmettik qoldaý sharasy.
“Kedeılik shegi toqsan saıyn eń tómengi kúnkóris deńgeıiniń 70% mólsherinde aıqyndalady (3 toqsanda eń tómengi kúnkóris deńgeıi – 49 898 teńge, kedeılik shegi – 34 929 teńge). 2023 jyly Almaty qalasynda 2,5 mlrd teńgege 27 myń adamǵa AÁK tóleý josparlanýda. Sonymen qatar, 1 jastan 6 jasqa deıingi balalary bar AÁK alýshylar azyq - túlik jáne turmystyq hımıa ónimderin satyp alýǵa aqshalaı tólemmen (5 175 teńge) qamtamasyz etiledi, bul qoldaýdy 157,6 mln teńgege 5 926 bala aldy (jospar 437,7 mln teńgege 7 519 bala)”, - dedi B.Jaýbasov.
Azamattar talap ete alatyn áleýmettik tólemder men járdemaqylardyń basqa túrlerine mynadaı tólemder jatady:
- turǵyn úı kómegi komýnaldyq qyzmetterge aqy tóleý úshin aı saıyn tólenedi, eger jaldaý aqysy bolsa (áleýmettik tólem boıynsha), otbasynyń jıyntyq tabysynyń 5% - tenasady (23,4 mln teńgege 1 179 adam turǵyn úı kómegimen qamtamasyz etildi).
- aı saıynǵy áleýmettik kómek UOS múgedekterine, UOS-da qaza tapqan jesirlerge, Aýǵanstandaǵy áskerı qımyldar kezinde qaza tapqandardyń ata-analaryna, jubaılaryna 6,5 AEK (19 910 teńge ) kómek (9,8 mln teńgege 69 adamǵa kómek kórsetildi).
- az qamtylǵan otbasylarǵa gaz jabdyqtaryn, sý men gazdy esepke alý aspaptaryn júrgizýge jáne ornatýǵa, múgedek balalardy úıde oqytýǵa jumsalatyn shyǵyndar (gaz jabdyǵy – 4,1 mln.teńgege 11 adam, sý men gazdy esepke alý aspaptary-3,2 mln. teńgege 210 adam.; múgedek balalardy úıde oqytý-65,3 mln. teńgege 949 adam.).
- ómirlik qıyn jaǵdaıǵa tap bolǵan adamdar úshin 20 AEK (69 myń teńge) mólsherinde áleýmettik kómek, eger otbasynyń jan basyna shaqqandaǵy ortasha tabysy eń tómengi kúnkóris deńgeıiniń 2 eselengen mólsherinen (99 796 teńge) aspasa (516,9 mln. teńgege 7 476 adam aldy), órtten nemese dúleı zilzaladan (14,3 mln.teńgege 27 adam tólendi) zardap shekkenderge 200 AEK (612 600 teńge) áleýmettik kómek kórsetildi.
Sonymen birge, kelesideı kómek kórsetildi:
12 AEK (41 400 teńge) (áleýmettik. 121 mln. teńgege 690 adam kómek aldy).
-Almaty qalasynyń JITS ortalyǵynda dıspanserlik esepte turǵan AITV juqtyrǵan balalarǵa 81 134 teńge mólsherinde (bul kómek 28,4 mln.teńgege 54 adamǵa tólendi).
- UOS ardagerlerine, olarǵa teńestirilgen adamdarǵa, tyl eńbekkerlerine Jeńis kúnine oraı tólemder júrgiziledi (2023 jyly 56 soǵys ardageri 1,5 mln. teńgeden, ardagerlerge teńestirilgen 1498 adamǵa, basqa memleketter aýmaǵyndaǵy 2916 jaýyngerlik is-qımyl ardagerlerine jáne Aýǵanstanda qaza tapqandardyń otbasylaryna 100 myń teńgeden; 8030 eńbek maıdanyna qatysýshylarǵa jáne qaıtys bolǵan soǵys ardagerleriniń 377 áıelge birjolǵy kómek kórsetildi 50 myń teńgeden).
- jyl saıyn 1986 jylǵy Jeltoqsan oqıǵasyna qatysýshylar QR Táýelsizdik kúnine oraı 150 myń teńgeden tólem alady (2023 jyly bul kómekti 105,3 mln.teńgege 702 adam alady).
Budan bólek, az qamtylǵan azamattardy, onyń ishinde zeınetkerlerdi áleýmettik qoldaý maqsatynda qalalyq máslıhattyń sheshiminen áleýmettik kómektiń birneshe túri kórsetiledi. Kómektiń bul túrleri otbasynyń jan basyna shaqqandaǵy ortasha tabysy eskerile otyryp, úsh eń tómen kúnkóris deńgeıinen aspaıtyn (149 myń teńge) shamada usynylady.
- 7 AEK nemese 24 150 teńge, jartyjyldyqta 1 ret tólenedi;
- 20 AEK nemese 69 000 teńge, jylyna bir ret 1 ret;
- sý nemese gaz eseptegishterin ornatý nemese tekserý shyǵyndaryn óteý;
- gaz jabdyǵyn júrgizý jáne ornatý shyǵyndaryn óteý;
- sanatorıı-kýrorttyq emdeýdi qamtamasyz etý jáne t. b.
Almaty qalasy boıynsha 2023 jyldyń 3 toqsanyna eń tómengi kúnkóris deńgeıi 49 898 teńgeni quraıdy. Qazirgi ýaqytta áleýmettik kómek sharalarymen 3,7 mlrd teńgege 52 myńnan astam adam qamtyldy, onyń ishinde 20 myńnan astamy – 1,1 mlrd teńgege zeınetkerler.
Sondaı-aq, komýnaldyq qyzmetterge tarıfterdiń ósýine baılanysty azamattardyń 8 sanatyna zeınetkerler, UOS ardagerleri, 1, 2 toptaǵy múgedek adamdar, kóp balaly otbasylar kiredi, Almaty qalasynda aı saıyn 0,5 AEK (1725 teńge) mólsherinde áleýmettik kómek kórsetiledi. Búgingi tańda 107 myńnan astam adam osy kómek túrine ótinish berdi.