Aǵaıyndy eki jigit kóshede ótip bara jatqan adamdardy tonaǵan
Almatyda aǵaıyndylar kóshede ótip bara jatqan adamdardy tonaǵan, dep habarlaıdy Almaty-akshamy.kz Polisia.kz-ke silteme jasap.
23 jáne 18 jastaǵy aǵaıyndylar qaraqshylyq shabýyl jasady degen kúdikke ilingen.
«Hmelnıskıı kóshesiniń boıynda olar áıeldi qorqytyp, syrǵasyn tartyp alǵan. Jábirlenýshi kúdiktilerdiń belgilerin anyq esine saqtap aldy. Birneshe saǵattan keıin kúdiktiler qamaýǵa alyndy. Olar zergerlik buıymnan qutylyp úlgergen: syrǵany satyp jibergen, al túsken aqshany jumsaǵan. Bul fakt sotqa deıingi tergeýdiń biryńǵaı tizilimine QR QK-niń 191-baby 2-bóliminiń 1,3-tarmaǵy boıynsha tirkeldi. Mamandandyrylǵan aýdanaralyq tergeý soty kúdiktilerge qatysty “qamaýda ustaý” túrindegi bultartpaý sharasyn qoldandy. Qazirgi ýaqytta olardyń basqa da qylmystarǵa qatysy bar-joǵy tekserilýde», – dep túsindirdi Túrksib aýdandyq Polısıa basqarmasynyń bastyǵy Erkin Amantaev.