Almatyda usaq buzaqylyq jasaǵan jasóspirimder anyqtaldy.
Ótken aptada ǵana qalada 38 kámeletke tolmaǵan jasóspirim anyqtaldy. Olardyń kópshiligi ata-anasynyń baqylaýynsyz túnde kóshede júrgen. Olar KTBO-ǵa ornalastyryldy, dep habarlaıdy Almaty-akshamy.kz Polisia.kz-ke silteme jasap.
411 ata-ana kámeletke tolmaǵan balalar túngi ýaqytta zańdy ókilderiniń erip júrýinsiz kóshede júrgeni úshin ákimshilik jaýapkershilikke tartyldy. Sonymen qatar kámeletke tolmaǵan balalarynyń tárbıesimen aınalyspaıtyn, olarǵa keri áserin tıgizetin 35 ata-ana anyqtalyp, İİO-ǵa esepke alyndy. Usaq buzaqylyq jasaǵan 9 jasóspirim ákimshilik jaýapkershilikke tartyldy.
«Ata-analar ózderiniń tarapynan baqylaýdyń bolmaýy jasóspirimderdiń quqyq buzýshylyqqa nemese olarǵa qarsy zańsyz áreketterge barýy múmkin ekenin bilýi jáne túsinýi mańyzdy, sonymen qatar olardyń tárbıesine jaýapkershilikteri bar ekenin umytpaýy kerek», – dedi polıseıler.