Qazaqstan Respýblıkasy İİM Maqan Esbolatov atyndaǵy Almaty akademıasyna bakalavr baǵdarlamasy boıynsha kýrsanttardy irikteý aıaqtaldy.
Oqýǵa túsken kýrsanttardyń aty-jónderi saltanatty rásimde resmı túrde aıtyldy. Polıseılik akademıaǵa eń úzdikter irikteldi. 300 talapker ǵana qatań irikteýden keıin alma-matrge oqýǵa tústi. İshki ister mınıstriniń bastamasymen bıyl akademıaǵa oqýǵa túsý prosedýrasy jańa formatta ótti, dep habarlaıdy Almaty-akshamy.kz.
“Altyn belgi” ıegerleri, UBT-dan joǵary bal alǵan túlekter, sport sheberleri, qyzmette erlikpen qaza tapqan polıseılerdiń balalalary akademıaǵa avtomatty túrde oqýǵa tústi. Sonymen qatar naýqannyń bastalǵan sátinen bastap, aıaǵyna deıin talapkerlerdiń ata-analary, qoǵam ókilderi, blogerler qatysty. Konkýrstar barynsha ashyq ótkizildi. Talapkerler men olardyń ata-analary, jaqyndary men qonaqtardyń aldynda sóz sóılegen Almaty akademıasynyń bastyǵy Aıdar Saıtbekov jańa kýrsanttardy quttyqtap, búgin Qazaqstan polısıasynyń qataryna eń laıyqtylardyń qabyldanǵanyn aıtty. Sondaı-aq jańa eksperımentaldy format aıasynda proseske qoǵam ókilderi men ata-analardyń qatysýy – óz mańyzdylyǵy men tıimdiligin, ashyqtyǵyn kórsetkenin atap ótti.
«Akademıa qyzmetkerleri árbirińizdiń naǵyz kásibı maman, mindetine adal, antyna berik laıyqty azamat atanýlaryńyzǵa bar kúsh-jigerlerin salady. Barshańyzǵa aq jol tileımin», – dedi Aıdar Saıtbekov.