Bıyl 68 myń sharshy metrden astam turǵyn úıdi paıdalanýǵa berý josparlanyp otyr.
Almatyda Memleket basshysy Qasym-Jomart Toqaevtyń tapsyrmasy boıynsha turǵyn úı qurylysy belsendi júrip jatyr. Bul týraly Óńirlik komýnıkasıalar qyzmetiniń brıfıńinde Almaty qalasy qurylys basqarmasy basshysynyń orynbasary Ulan Ońalbaev málimdedi, dep habarlaıdy Almaty-akshamy.kz.
«2022 jyly 16 turǵyn úıdi, ıaǵnı 1305 páterdi nemese 68 myń sharshy metr nesıelik jáne jaldamaly páterlerdi paıdalanýǵa berý josparlanýda. Sondaı-aq, jumys isteıtin jastar úshin aýdany 42 000 sharshy metr 1050 páter satyp alýǵa qarajat qarastyrylǵan», - dep bastady óz sózin ÓKQ spıkeri.
Jalpy, vedomstvo ókiliniń aıtýynsha, qurylys jumystarynyń kólemi artty. 7 aıda 54 315,4 mln teńge ıgerildi.
Sonymen qatar, memlekettik baǵdarlamalar sheńberinde komersıalyq turǵyn úı qurylysyn yntalandyrý úshin respýblıkalyq búdjet qarajatynan 150 kóppáterli turǵyn úıge ınjenerlik-kommýnıkasıalyq jeliler tartylýda. Nátıjesinde 7 912 páter salynady, onyń jarty bóligi (50%) Memlekettik baǵdarlamalar boıynsha jeńildikpen iske asyryldy.
Aıta ketsek, turǵyn úıdi paıdalanýǵa berýmen qatar bilim berý jáne densaýlyq saqtaý nysandarynyń qurylysy júrip jatyr. Ońalbaevtyń aıtýynsha, qurylys salýshylar óz ýchaskelerinde mektepter, balabaqshalar men medısınalyq mekemeler salýdy kózdep otyr.
«Búginde qalada 25 bilim berý nysanynyń qurylysy júrip jatyr. Jyl sońyna deıin "Qalqaman-2", "Qaırat", "Darhan", "Mádenıet" jáne "Nurkent" shaǵynaýdandarynda 7500 oryndyq 5 mektep salynady. Sondaı-aq, 670 oryndyq qosalqy qurylys nysanyn salý arqyly №48, 191, 9 úsh mektep keńeıtiledi», - dedi Ulan Ońalbaev.
"Jas qanat", "Saıaly-2", "Aınabulaq-4", "Aqjar" shaǵynaýdandarynda 920 oryndyq tórt jańa balabaqsha salynady. Sondaı-aq basqarma qaramaǵynda "Aqjar" jáne "Nurkent" shaǵynaýdandarynda 1350 oryndyq eki ınovasıalyq shyǵarmashylyq ortalyq salý qarastyrylǵan. Olardy paıdalanýǵa berý 2023 jyldyń ekinshi toqsanyna josparlanǵan.
Qurylys basqarmasynyń ókili №166, 129, 145, 15, 122, 141, 31 jáne Bilim-Innovasıa mektebiniń segiz ǵımaratynyń, sondaı-aq úsh balabaqshanyń (№7, 113, 70) seısmoturaqtylyǵyn kúsheıtý jumystary týraly aıtty.
Bıylǵy jyly "Saıaly-2" jáne "Zerdeli" shaǵynaýdandarynda 1100 oryndyq eki mekteptiń, №65, 101, 112, 148 jáne 59 mektepterde bes qosymsha korpýstyń, "Jas qanat" jáne "Shuǵyla" shaǵyn aýdandarynda 580 oryndyq eki balabaqshanyń qurylysyn bastaý josparlanýda. Sondaı-aq, №9, 10, 70, 80, 127 jáne 156 mektepteri seısmıkalyq nyǵaıtýdan ótedi.
Aıta ketsek, bıyl "Zerdeli" shaǵynaýdanynda 380 oryndyq jataqhanasy bar 720 oryndyq kásibı tehnıkalyq ýchılısheniń qurylysy bastalady. Sondaı-aq, №2 Almaty memlekettik pedagogıkalyq koleji úshin 450 oryndyq qosymsha qurylys salý jobasy ázirlenýde.
Al jataqhanalardaǵy oryn tapshylyǵy máselesin sheshý maqsatynda 600 oryndyq 2 jataqhana salý jobasy ázirlenýde (Almaty avtomehanıkalyq koleji jáne Alataý aýdanynyń ónerkásiptik aımaǵynda ornalasqan jataqhanasy bar ınovasıalyq tehnologıalar koleji). Bul nysandardyń qurylysy 2023-2024 jyldarǵa josparlanǵan.
Almaty qalasy Óńirlik komýnıkasıalar qyzmetiniń habarlamalary men materıaldaryn taratý kezinde ÓKQ-ǵa silteme jasaý mindetti.