QR TJM Respýblıkalyq jedel-qutqarý jasaǵynyń bólimshesi mamyr merekeleri kezeńinde qyzmet ótkerýdiń kúsheıtilgen nusqasyna kóshedi.
Bul týraly Almaty qalasynyń ÓKQ brıfıńinde belgili boldy. Mamyr aıyndaǵy merekelerde azamattardyń jappaı kókke shyǵa bastaıdy. Qutqarýshylar ot jaǵýǵa tyıym salynatynyn jáne týrıserge tek ruqsat etilgen joldarmen júrý kerektigin eskertti, dep habarlaıdy Almaty-akshamy.kz.
Tabıǵatqa shyǵar aldynda dostaryna jáne 112 telefony arqyly qutqarý qyzmetine eskertken jón.
Súńgýir-qutqarý bóliminiń bastyǵy Andreı Bybchenko maýsymaralyq ýaqytta taýda tumanda adasyp, baǵytty joǵaltýǵa bolatynyn aıtty.
"Nátıjesinde demalýshylar joǵalady jáne bastapqy ornyna orala almaıdy. Týystary alańdaı bastaıdy, sodan keıin bizdiń qyzmetke sıgnal túsedi, joǵalǵan týrıserdiń shamamen ornalasqan jeri týraly habarlaıdy. Biz izdeý jumystaryna kirisemiz", - dedi A. Bybchenko.
Jaqynda qutqarýshylar joǵalǵan jıpperlerdi tapty. Habarlamada aıtylǵandaı, eki kólik baılanysqa shyqpaǵan, onda shamamen 7-8 adam bolǵan.
«Bizdiń top birinshi bolyp jolǵa shyqty, biraq tabylǵan jerde eki joǵalǵan kólik emes, qyryqqa jýyq mashına bolatynyn kútken joqpyz. Baılanys bolmady, kólikterdi qar kóshkini basyp qaldy. Jaýǵan qar qutqarý jumystaryn qıyndatty, aýa temperatýrasy da tómen boldy», - dedi A.Bybchenko.
Qarda júretin kólikterdi paıdalanyp, júrý múmkindigi joǵary Kamazdar adamdardy evakýasıalaı bastady. Barlyǵy sátti aıaqtalyp, adamdar aman qaldy.
Qutqarýshy selfı men erekshe rakýrsty unatatyndardy óz ómiri men densaýlyǵyna qaýip tóndirmeýge shaqyrdy. Taý ózenderiniń shetinde, qaýipti jerlerde, taıyp ketetindeı tastardyń ústinde turmańyz.
"Taýǵa shyqqan kezde kıimdi muqıat tańdaý kerek, bul aımaqta aýa raıy kún sáýlesinen qarly boranǵa deıin kúrt ári tez ózgeretinin este ustaǵan jón. Taý jabdyqtary bolýy kerek. Ot jaǵýǵa tyıym salynǵanyn este saqtańyz", - dep qosty qutqarýshy.
Taý ózenderinde shomylý qaýipti, adam tek qurysýlarǵa ǵana emes, ınsýltke de ushyraýy múmkin. Eger adam sonda da sýyq sýǵa shomylýǵa táýekel etse, onyń janynda kómek kórsete alatyn adamdar bolýy kerek.
Eger adam taý ózenine bata bastasa, onyń artynan ózenniń boıymen júgirý kerek, ol aǵashqa nemese tasqa tirelýi múmkin. Bul ýaqytta siz qolda bar quraldardy paıdalana alasyz, taıaq, arqan, bórene soza alasyz. Daıyndyǵy joq adamǵa qutqarý úshin sýǵa sekirý usynylmaıdy.