13 sáýirde saǵat 13:17-de "109" nómirine Almaty qalasynyń qutqarý qyzmetine "Molodejnyı" shyńy aýdanynda kóshkinge eki adam túsip ketkeni týraly shaqyrtý tústi.
Almaty qalasy "109" qyzmetinen zardap shekkenderdi izdeýge kınologtarmen birneshe top qutqarýshylar jiberildi, onyń ishinde eki top Almaty qalasy qutqarý qyzmetiniń taý-ken qutqarý bazasynan.
Alǵashqy zardap shekken adamdy túrli jaraqattarmen tiri taýyp aldy, ony Almaty qalasynyń qutqarý qyzmetiniń Mı-8 tikushaǵymen "Medeý" SSK aýdanyna jetkizdi, onda ol stasıonarǵa jetkizý úshin "Apattar medısınasy ortalyǵynyń" dárigerlerine berildi. Biraz ýaqyttan keıin ekinshi jábirlenýshi tabyldy, biraq, ókinishke oraı, ómir belgileri joq.
İzdestirý-qutqarý operasıasyna: "Tuıyqsý" KSP jáne QR TJM RJQJ qutqarýshylary, sondaı-aq Almaty qalasy TJD jáne "Qazseldenqorǵaý" qyzmetkerleri jumyldyryldy.
Almaty qalasynyń qutqarý qyzmetinen 25 qutqarýshy, onyń ishinde 2 kınolog, 1 izdestirý-qutqarý ıti, 5 arnaıy tehnıka jáne 1 MI-8 tikushaǵy jumyldyryldy.
*Almaty qalasy ákimi apparatynyń "Almaty qalasynyń qutqarý qyzmeti" SHJQ MKK baspasóz qyzmeti*